ఈపీఎఫ్‌ ఖాతాదారులకు గుడ్‌న్యూస్‌.. త్వరలో యూపీఐ ద్వారా విత్‌డ్రా

Share

ఈపీఎఫ్‌ ఖాతాదారులకు అదిరిపోయే న్యూస్‌ ఇది. ఈపీఎఫ్‌ ఖాతా నుంచి నగదు విత్‌డ్రాను మరింత సులభతరం చేసేందుకు రంగం సిద్ధమవుతోది. నేరుగా యూపీఐ ద్వారా పీఎఫ్‌ను విత్‌డ్రా చేసుకునే సదుపాయం ఈ ఏడాది ఏప్రిల్‌ నుంచి అందుబాటులోకి రానుంది. యూపీఐ ద్వారా నేరుగా బ్యాంక్ ఖాతాలోకి పీఎఫ్‌ మొత్తాన్ని బదిలీ చేసుకునే విధానం అమల్లోకి రానున్నట్లు తెలుస్తోంది. ప్రస్తుతం పీఎఫ్‌ విత్‌డ్రాకు క్లెయిమ్‌ ఫారాలు సమర్పించి రోజుల తరబడి వేచి చూడాల్సిన పరిస్థితి నెలకొంది. కొత్త విధానంలో క్షణాల్లో నగదును విత్‌డ్రా చేసుకునే సదుపాయం అందుబాటులోకి రానుంది.