123 ఏళ్ల తర్వాత ఆకాశంలో అద్భుతం.. 6 నిమిషాల పాటు పూర్తిగా చీకటి

ఆకాశంలో అద్భుత దృశ్యం ఆవిష్కృతం కానుంది. 6 నిమిషాలపాటు ప్రపంచవ్యాప్తంగా కారుచీకట్లు కమ్ముకోనున్నాయి. అవును.. ఇది ఓ అరుదైన సూర్యగ్రహణం కారణంగా సంభవించనుంది. 2027లో అరుదైన దీర్ఘకాలిక సూర్యగ్రహణం ఏర్పడనుంది. ఏకంగా 6 నిమిషాలపాటు కొనసాగనున్న ఈ సూర్యగ్రహణం యూరప్, ఉత్తర ఆఫ్రికా, మరియు మధ్య ప్రాచ్యంప్రాంతాల్లో సంభవిస్తుంది. గ్రేట్ నార్త్ ఆఫ్రికన్ ఎక్లిప్స్‌గా పిలవబడే ఈ ఖగోళ దృశ్యంలో, చంద్రుడు సూర్యుడుని పూర్తిగా కప్పివేస్తాడు. ఈ గ్రహణం పగటిపూట ఏర్పడటం వలన భూమండలం 6 నిమిషాల 23 సెకన్ల పాటు అంధకారంలో మునిగిపోతుంది. ఇది 123 సంవత్సరాలలో భూమిపై కనిపించే అత్యంత సుదీర్ఘమైన సూర్యగ్రహణంగా…అరుదైన ఖగోళ సంఘటనగా నిలుస్తుంది. ఈ సూర్యగ్రహణం అట్లాంటిక్ మహాసముద్రం మీదుగా ప్రారంభమై, తూర్పు దిశగా యూరప్, ఆఫ్రికా, మధ్యప్రాచ్యం వైపు కదులుతుంది. గ్రహణం పూర్తి దృశ్యం 258 నుండి 275 కిలోమీటర్ల వెడల్పు గల సన్నని బ్యాండ్‌లో కనిపిస్తుంది. దక్షిణ స్పెయిన్‌లోని కాడిజ్, మలాగా వంటి నగరాల్లో 4 నిమిషాలకు పైగా చీకట్లు కమ్ముకుంటాయి. ఉత్తర మొరాకోలోని టాంజియర్, టెటౌవాన్, మరియు మధ్య ఈజిప్ట్‌లోని లక్సర్ సమీపంలో 6 నిమిషాలకు పైగా పూర్తి అంధకారం అలముకుంటుంది. నైరుతి సౌదీ అరేబియాలోని జెడ్డా, మక్కా, యెమెన్, మరియు ఈశాన్య సోమాలియా ప్రాంతాల్లో కూడా ఈ గ్రహణం కనిపిస్తుంది. గ్రహణం భారత మహాసముద్రంలో ముగిసే ముందు చాగోస్ దీవులను దాటుతుంది. ఈ సూర్యగ్రహణం భారతదేశంలో కనిపించదు. తూర్పు ఆసియా, ఆస్ట్రేలియా, మరియు ఇతర కొన్ని ప్రాంతాల్లో కూడా ఈ గ్రహణం కనిపించకపోవచ్చు. కొన్ని చోట్ల కేవలం పాక్షికంగా కనిపిస్తుంది. ఈ గ్రహణం ప్రత్యేకత ఏంటంటే… ఈ సూర్యగ్రహణం భూమి సూర్యునికి దూరంగా ఉండే సమయంలో (అఫీలియన్) మరియు చంద్రుడు భూమికి దగ్గరగా ఉండే సమయంలో (పెరిజీ) సంభవిస్తుంది. దీని వల్ల సూర్యుడు చిన్నగా, చంద్రుడు పెద్దగా కనిపించి, గ్రహణం యొక్క దీర్ఘకాలికతను పెంచుతుంది. దానికితోడు, ఈ గ్రహణం భూమధ్యరేఖ సమీపంలో జరుగుతుంది, ఇక్కడ చంద్రుని నీడ భూమిపై నెమ్మదిగా కదులుతుంది, దీనివల్ల గ్రహణ సమయం పెరుగుతుంది. ఈ గ్రహణం శాస్త్రవేత్తలకు సూర్యుని కరోనాను అధ్యయనం చేసే అరుదైన అవకాశాన్ని అందిస్తుంది.

మరిన్ని వీడియోల కోసం ఇక్కడ క్లిక్ చేయండి

Also Watch:

Mosquitoes: ఒక్క సెకనులో 30 దోమలను చంపే సూపర్‌ వెపన్‌

స్మృతి మంథాన పెళ్లికి బ్రేక్‌ పలాష్ మోసం చేశాడా ??

Delhi: పాన్‌ మసాలా కోటీశ్వరుడి ఇంట్లో విషాదం

Weather Alert: దూసుకొస్తున్న మరో అల్పపీడనం… ఏపీలో అతి భారీ వర్షాలు

Andhra King Taluka Review: అక్కడ బిగిస్తే.. సినిమా మరోలా ఉండేదేమో..?