Watch Video: 4 ఓవర్లు.. 3 వికెట్లు.. ఒక మెయిడిన్.. అరంగేట్రంలో అద్భుత బౌలింగ్.. నెట్టింట్లో వైరలవుతోన్న వీడియో

Mohammad Hasnain

Sydney Thunder vs Adelaide Strikers: బిగ్ బాష్ లీగ్ 2021-21 మ్యాచ్‌లో సిడ్నీ థండర్ 28 పరుగుల తేడాతో అడిలైడ్ స్ట్రైకర్స్‌ను ఓడించింది. ఈ మ్యాచ్‌లో తొలుత బ్యాటింగ్ చేసిన సిడ్నీ 172 పరుగులు చేసింది. దీనికి సమాధానంగా అడిలైడ్ జట్టు 144 పరుగులకు ఆలౌట్ అయింది. సిడ్నీ థండర్ ఈ విజయంలో మహమ్మద్ హస్నైన్ కీలకపాత్ర పోషించాడు. అతను తన అరంగేట్రం మ్యాచ్‌లోనే అద్భుతాలు చేశాడు. తొలి మ్యాచులోనే ఒక ప్రత్యేక రికార్డును కూడా సృష్టించాడు. అరంగేట్రం మ్యాచ్‌లో హస్నైన్ తొలి ఓవర్‌లోనే మూడు వికెట్లు తీశాడు. ఈ సమయంలో అతను ఒక్క పరుగు కూడా ఇవ్వలేదు.

సిడ్నీ థండర్ ఇచ్చిన లక్ష్యాన్ని ఛేదించేందుకు జాక్ వెదర్డ్, మాథ్యూ షార్ట్ అడిలైడ్‌ ఓపెనింగ్ బ్యాటింగ్‌కు వచ్చారు. ఈ ఇద్దరు ఆటగాళ్లను హస్నైన్ ఎక్కువసేపు నిలువనివ్వలేదు. షార్ట్ 13 పరుగులు, జాక్ 10 పరుగుల వద్ద ఔటయ్యారు. దీని తర్వాత జోనాథన్ వెల్స్ కూడా హస్నైన్ బాధితుడయ్యాడు. ఖాతా తెరవకుండానే పెవిలియన్‌కు చేరుకున్నాడు. ఈ విధంగా హస్నైన్ తొలి ఓవర్‌లోనే మూడు వికెట్లు తీశాడు.

ఈ మ్యాచ్‌లో హస్నైన్ 4 ఓవర్లు బౌలింగ్ చేశాడు. ఈ సమయంలో అతను ఒక మెయిడిన్ ఓవర్ తీశాడు. దీంతో 20 పరుగులకే 3 వికెట్లు తీశాడు. అతని నటనకు సోషల్ మీడియాలో చాలా ప్రశంసలు వచ్చాయి. ఈ యువ బౌలర్ వేసిన తొలి ఓవర్ వీడియో కూడా వైరల్ అవుతోంది. హస్నైన్ కెరీర్‌ను పరిశీలిస్తే.. ఇప్పటి వరకు ఆడిన 8 వన్డేల్లో 12 వికెట్లు పడగొట్టాడు. అదే సమయంలో, అతను 18 టీ20 అంతర్జాతీయ మ్యాచ్‌లలో 17 వికెట్లు తీశాడు. 19 లిస్ట్ A మ్యాచ్‌లలో 35 వికెట్లు, 11 ఫస్ట్ క్లాస్ ఇన్నింగ్స్‌లలో 10 వికెట్లు తీసుకున్నాడు.

Also Read: IND vs SA: 2 టెస్టులు.. 4 ఇన్నింగ్స్‌లు.. 77 సగటుతో 50+ రన్స్.. జోహన్నెస్‌బర్గ్‌లో కోహ్లీ కిరాక్ బ్యాటింగ్.. మరో 7 పరుగులు చేస్తే..!

IND vs SA: ఆ‍యన రిటైర్మెంట్ షాకిచ్చింది.. మాజట్టుపై తీవ్ర ప్రభావం: దక్షిణాఫ్రికా కెప్టెన్, కోచ్ కీలక వ్యాఖ్యలు