MS Dhoni: ధోనీకి ఇష్టమైన పాట ఇదేనట..స్వయంగా వెల్లడించిన ఏఆర్ రెహమాన్!

భారత క్రికెట్ దిగ్గజం మహేంద్ర సింగ్ ధోనీకి అత్యంత ఇష్టమైన పాట ఏంటో ఆస్కార్ విజేత ఏఆర్ రెహమాన్ బయటపెట్టారు. ఐపీఎల్ 2026 సీజన్ ప్రారంభానికి ముందు చెన్నై సూపర్ కింగ్స్ నిర్వహించిన ‘రోర్ 2026’ ప్రత్యేక కార్యక్రమంలో ఈ ఆసక్తికర విషయం వెలుగులోకి వచ్చింది. తన సంగీత దర్శకత్వంలో 2006లో వచ్చిన ‘సిల్లును ఒరు కాదల్’ సినిమాలోని ‘మున్బే వా’ పాట అంటే ధోనీకి ప్రాణమని రెహమాన్ తెలిపారు. ధోనీ సాబ్‌ను కలిసినప్పుడు ఆయన స్వయంగా ఈ విషయం చెప్పారని, ఈ పాట కేవలం సురేశ్ రైనాకే కాదు, తనకూ ఫేవరెట్ అని ధోనీ తనతో అన్నారని రెహమాన్ గుర్తుచేసుకున్నారు. చెన్నైలోని చిదంబరం స్టేడియంలో జరిగిన ఈ మెగా ఈవెంట్‌లో రెహమాన్ తన ప్రదర్శనతో అభిమానులను ఉర్రూతలూగించారు. సాధారణంగా ఎయిర్‌పోర్టుల్లో కలిసినప్పుడు కేవలం పలకరింపులకే సమయం సరిపోయేదని, కానీ ఈసారి ధోనీతో సరదాగా కాసేపు సంభాషించే అవకాశం దొరికిందని రెహమాన్ సంతోషం వ్యక్తం చేశారు. ధోనీ చాలా మంచి వ్యక్తి అని, ఆయనకు తన కుమారుడు కూడా తెలుసని రెహమాన్‌ పేర్కొన్నారు. తను దక్షిణాఫ్రికా వెళ్లినప్పుడు కూడా అక్కడి వారు తనను ‘సీఎస్కే ప్రాంతం వారా?’ అని గుర్తుపట్టారని, క్రికెట్ అలాగే సంగీతానికి సరిహద్దులు లేవని ఆయన కొనియాడారు. ప్రజలను ఏకం చేసే శక్తి ఈ రెండింటికీ ఉందని రెహమాన్ చెప్పుకొచ్చారు.

మరిన్ని వీడియోల కోసం ఇక్కడ క్లిక్ చేయండి

Also Watch:

వాహనదారులకు బంపర్ ఆఫర్..తగ్గనున్న పెట్రోల్‌, డీజిల్‌ ధరలు

ఏప్రిల్ 1 నుండి మారనున్న కొత్త రూల్స్ ఇవే

సీతమ్మ కల్యాణానికి ‘పాలకోవ’ సారె

అయోధ్యలో అద్భుతం.. రాముడికి తిలకం దిద్దిన సూర్యుడు

ఫోన్ పాస్‌వర్డ్ చెప్పాల్సిందే.. కొత్త చట్టంపై దుమారం