Andhra Pradesh: వాలంటీర్ వ్యవస్థ దండుపాళ్యం బ్యాచ్‌లా తయారైంది: పవన్

వలంటీర్ల వ్యవస్థపై మరోసారి వివాదాస్పద వ్యాఖ్యలు చేశారు జనసేన అధినేత పవన్‌కల్యాణ్‌. పెందుర్తి నియోజకవర్గంలోని సుజాతనగర్‌లో ఓ వృద్దురాలిని వాలంటీర్‌ కిరాతకంగా హత్య చేసి బంగారు నగలను ఎత్తుకెళ్లాడని ఆరోపించారు. ఏపీలో హ్యూమన్‌ ట్రాఫికింగ్‌ పెరుగుతోందని, ఈ విషయాన్ని సాక్షాత్తు కేంద్రమే పార్లమెంట్ సాక్షిగా చెప్పిందన్నారు. ఆంక్షలు తనకు మాత్రమేనా, వాలంటీర్లకు ఉండవా అని ప్రశ్నించారు పవన్‌కల్యాణ్‌. ఉత్తరాంధ్రలో 151 మంది చిన్నారులు అదృశ్యమయ్యారన్నారు. శాంతిభద్రతలను, వ్యవస్థను కాపాడే బాధ్యత పోలీసులదేనని గుర్తుచేశారు. వారు పని చేయకుండా ఎమ్మెల్యేలు, రాజకీయ నేతలు వారి చేతులను కట్టేస్తున్నారన్నారని ఆరోపించారు పవన్.