Big News Big Debate: తెలంగాణ ‘దంగల్’.. హామీలతో జోరుమీదున్న పొలిటికల్ పార్టీలు.. లైవ్ వీడియో

ఎన్నికల షెడ్యూల్‌ వస్తుందన్న వార్తల మధ్య తెలంగాణలో పర్యటిస్తున్న ప్రధానమంత్రి నరేంద్రమోదీ హామీలే కాదు.. ఆరోపణాస్త్రాలు బలంగా సంధించారు. పాలమూరులో వరాలు కురిపించిన మోదీ.. ఇందూరులో బీఆర్ఎస్‌ – కాంగ్రెస్ పార్టీలపై విరుచుకపడ్డారు. జీహెచ్‌ఎంసీ ఎన్నికల తర్వాత ఎన్డీయేలో చేరేందుకు కేసీఆర్‌ ప్రయత్నించారన్నారు. కేటీఆర్‌కు అధికారాలు అప్పగించేందుకు సిద్ధపడ్డారన్నారు మోదీ. తాను అంగీకరించకపోవడంతో మళ్లీ కేసీఆర్‌ కనిపించలేదన్నారు. ఇప్పటివరకూ ఈ రహస్యం ఎప్పుడూ ఎవరికీ షేర్‌ చేయలేదన్నారు మోదీ. అయితే ఇన్నిరోజులు ఎందుకు దీనిపై నోరెత్తలేదని కౌంటర్‌ ఇచ్చారు బీఆర్ఎస్ నాయకులు. తెలంగాణ ఆవిర్భావం తర్వాత ఏ పార్టీతో పొత్తులకై చర్చించలేదన్నారు మాజీ ఎంపీ వినోద్‌కుమార్‌. ఎన్నికల కోసం మాత్రమే ఆరోపణలు చేస్తున్నారనన్నారు.