త్రిష పక్కనుంటే ఇక అంతే.. విజయ్‌ భవిష్యత్తు పై జోస్యం చెప్పిన వేణు స్వామి

ఓ పక్క తమిళ రాజకీయాలు రసవత్తరంగా మారిన వేళ.. మన వేణు స్వామి సీన్‌ లోకి రావడం.. ఇప్పుడు నెట్టింట హాట్ టాపిక్ అవుతోంది. సెలబ్రిటీల జాతకాలు చెబుతూ.. నెట్టింట ట్రోలర్స్‌కు టార్గెట్‌ గా మారే ఈయన.. ప్రస్తుతం విజయ్‌- త్రిష జాతకం పై కూడా కామెంట్స్ చేశారు. త్రిష పక్కనే ఉంటే.. సీఎం గా విజయ్‌ తమిళనాడును పరిపాలించడం కష్టమన్నట్టుగా జోస్యం చెప్పారు. విజయ్, త్రిష.. తమిళనాడు రాజకీయాల గురించి ఆసక్తికర కామెంట్స్ చేస్తూ తాజాగా ఓ వీడియో షేర్ చేశారు వేణు స్వామి. త్రిష లేకుండా ఉండి ఉంటే విజయ్ జాతకం మరోలా ఉండేదని అన్నారు వేణుస్వామి. విజయ్ సీఎం అయినా కూడా నెల లేదా దాదాపు ఆరు నెలలు, కాదంటే ఏడాది తర్వాత మళ్లీ తమిళనాడులో ఎన్నికలు వచ్చే అవకాశం నూటికి వెయ్యి శాతం ఉందంటూ కుండబద్దలు కొట్టారు వేణుస్వామి. గురు మార్పు వల్ల తమిళనాడులో పెను సంచలనాలు నమోదయ్యే అవకాశం ఉందన్నారు. అటు బెంగాల్ లోనూ రాష్ట్రపతి పాలన వచ్చే ఛాన్స్ ఉందని అన్నారు వేణుస్వామి. మరోవైపు, విజయ్ రాజకీయాల్లోకి అడుగుపెట్టినప్పటి నుంచి త్రిష పేరు వార్తలలో మారుమోగుతోంది. ముఖ్యంగా విజయ్ సతీమణి విడాకుల కోసం దరఖాస్తు చేసుకోవడం.. తన భర్తకు మరో నటితో ఎఫైర్ ఉందంటూ ఆమె విడాకుల పిటిషన్ లో తెలియజేయడం హాట్ టాపిక్ అయ్యింది. ఇక ఇటీవల తమిళనాడు అసెంబ్లీ ఎన్నికల ఫలితాల సమయంలో త్రిష విజయ్ నివాసానికి వెళ్లడం, సోషల్ మీడియాలో ఆమె పెట్టిన కొన్ని పోస్టులు చర్చలకు మరింత బలం చేకూర్చాయి.

మరిన్ని వీడియోల కోసం ఇక్కడ క్లిక్ చేయండి

Also Watch:

కోలీవుడ్‌లో నెక్స్ట్ దళపతి ఎవరు ?? యువ హీరోలకు సవాళ్లు