NTR పేరు బద్నాం చేస్తే మాత్రం ఊరుకునేది లేదు.. : NTR ఫ్యాన్ కన్వీనర్

నందమూరి తారకరామారావు అభిమాన సంఘాల కన్వీనర్ టీవీ9తో మాట్లాడుతూ, ఇటీవల కాలంలో ఎన్టీఆర్ అభిమానుల మధ్య నెలకొన్న గందరగోళం, ముఖ్యంగా “రాయల్ ఎన్టీఆర్ ఫ్యాన్స్” పేరుతో జరుగుతున్న కొన్ని కార్యకలాపాలపై తీవ్ర అభ్యంతరం వ్యక్తం చేశారు. గత మూడు రోజులుగా ఈ విషయంపై తాము ఆరా తీస్తున్నామని, ఈ కన్ఫ్యూజన్‌ను ఎవరు సృష్టించారనే దానిపై పరిశోధన జరిగిందని ఆయన పేర్కొన్నారు.ఈ “రాయల్ ఎన్టీఆర్ ఫ్యాన్స్” అనే గ్రూప్‌తో ఎన్టీఆర్ గారికి గానీ, నందమూరి అభిమాన సంఘాలకు గానీ ఎటువంటి అధికారిక సంబంధం లేదని ఆయన స్పష్టంగా ప్రకటించారు. ఎన్టీఆర్ కార్యాలయం నుండి వచ్చే సమాచారం మాత్రమే అధికారికమని, ఇంకేదైనా వ్యక్తిగత విషయాలు ఉంటే ఎన్టీఆర్ గారే స్వయంగా వెల్లడిస్తారని ఆయన తెలిపారు. కొందరు తమ వ్యక్తిగత అజెండాలతో “రాయల్ ఎన్టీఆర్ ఫ్యాన్స్” పేరుతో కార్యక్రమాలు చేసుకుంటున్నారని, వారికి మేం అడ్డుపడబోమని ఆయన అన్నారు. అయితే, ఎన్టీఆర్ పేరును బద్నాం చేసే ఉద్దేశ్యంతో ఏ కార్యక్రమాలు జరిగినా వాటిని తాము ఖండిస్తామని గట్టిగా హెచ్చరించారు.ఇదే సందర్భంలో, జూలై 18న “ఊరూవాడ కార్యక్రమం” పేరుతో 100 కోట్ల రూపాయలు ఖర్చు పెట్టి గ్రామీణ ప్రాంతాల్లో సేవా కార్యక్రమాలు చేపడుతున్నామని, ఎన్టీఆర్ స్ఫూర్తితో ఈ కార్యక్రమం చేపడుతున్నామని “రాయల్ ఎన్టీఆర్ ఫ్యాన్స్” పేర్కొనడంపై కూడా ఆయన స్పందించారు. ఈ కార్యక్రమాలు ఎందుకు పెట్టుకుంటున్నారో తమకు ఇప్పటివరకు తెలియదని అన్నారు.

మరిన్ని వీడియోల కోసం :

‘రామాయణ’ కోసం మేకర్స్ కొత్త ప్రమోషనల్ ప్లాన్..

బాక్సాఫీస్ వద్ద రచ్చ చేయడానికి సిద్ధమవుతున్న యశ్

‘ఊరు వాడ’ కార్యక్రమం రాజకీయాల కోసమా ? ఫ్యాన్స్ ఏమన్నారు ?

నాగార్జున ఆ విషయంలో రిస్క్ తీసుకుంటున్నారా..?