OTTలోకి నాని ప్యారడైజ్ మూవీ.. స్ట్రీమింగ్ ఎప్పటి నుంచి అంటే..

న్యాచురల్ స్టార్ నాని హీరోగా నటించిన లేటెస్ట్ సినిమా ‘ది ప్యారడైజ్’. దసరా సినిమాతో మంచి గుర్తింపు తెచ్చుకున్న డైరెక్టర్ శ్రీకాంత్ ఓదెల ఈ సినిమాను తెరకెక్కించారు. పీరియాడికల్ యాక్షన్‌ థ్రిల్లర్ గా రూపొంందిన ది ప్యారడైజ్‌ సెప్టెంబర్ 24న ప్రేక్షకుల ముందుకు వచ్చింది. మొదటి షో నుంచే మిక్స్ డ్ టాక్ తెచ్చుకున్నా కలెక్షన్లలో మాత్రం నాని సినిమా అదరగొట్టింది. ట్రేడ్ నిపుణులను కూడా ఆశ్చర్యపరుస్తూ బాక్సాఫీస్ వద్ద భారీ వసూళ్లు రాబట్టింది. ఇప్పటికే ఈ సినిమా ప్రపంచ వ్యాప్తంగా రూ. 180 కోట్లకు పైగా కలెక్షన్లు సాధించినట్లు ట్రేడ్ నిపుణులు చెబుతున్నారు. ఒక్క తెలుగులోనే కాదు ఇతర భాషల్లోనూ నాని సినిమాకు సాలిడ్ రెస్పాన్స్ వస్తోంది. అలాగే ఓవర్సీస్ లోనూ ది ప్యారడైజ్ కు రికార్డు కలెక్షన్లు వస్తున్నాయి. థియేట్రికల్ రన్ పరంగా అదరగొట్టేసినా.. ఈ మూవీ ఓటీటీ స్ట్రీమింగ్‌ పై విపరీతమైన వెయిటింగ్ ఉంది. ఈక్రమంలోనే నాని ప్యారడైజ్ ఓటీటీ స్ట్రీమింగ్ డేట్‌పై ఓ ఇంట్రెస్టింగ్ న్యూస్ బయటికి వచ్చింది. ‘ది ప్యారడైజ్’ డిజిటల్ స్ట్రీమింగ్ హక్కులను ప్రముఖ ఓటీటీ సంస్థ భారీ ధరకు సొంతం చేసుకుంది. ఈ నేపథ్యంలో థియేట్రికల్ రిలీజ్ తర్వాత 6 నుంచి 8 వారాల తర్వాతే మాత్రమే సినిమాను ఓటీటీలోకి తీసుకువచ్చేలా అగ్రిమెంట్ జరిగినట్లు తెలుస్తోంది. ఈనేపథ్యంలో నవంబర్ మొదటి వారం లేదా రెండో వారంలో ది ప్యారడైజ్ సినిమా స్ట్రీమింగ్ కు రావొచ్చని తెలుస్తోంది. ఇక రన్ టైమ్ కారణంగా ఈ సినిమా నుంచి ఒక పవర్‌ఫుల్ ‘దేశం’ సాంగ్‌ను థియేటర్లలో తప్పనిసరి పరిస్థితుల్లో తీసి వేయాల్సి వచ్చింది. అయితే సిల్వర్ స్క్రీన్ పై మిస్ అయిన ఆ గూస్ బంప్స్ సాంగ్ ను ఓటీటీ వెర్షన్ లో జోడించనున్నారట మేకర్స్. ఈ విషయాన్ని డైరెక్టర్ శ్రీకాంత్ ఓదెల స్వయంగా వెల్లడించారు. దీంతో ది ప్యారడైజ్ డిజిటల్ స్ట్రీమింగ్ ప్లాట్‌ఫామ్‌పై సరికొత్త రికార్డులు సృష్టించడం ఖాయంగా కనిపిస్తోంది.

మరిన్ని వీడియోల కోసం ఇక్కడ క్లిక్ చేయండి

Also Watch:

Virat-Anushka: రూ.44 కోట్లు.. విరుష్క లేటెస్ట్ లగ్జరీ ఇల్లు