ప్రేమ మనిషిని చేస్తే.. బ్రేకప్ ‘పైరసీ కింగ్’గా మలిచింది
Updated on: Nov 21, 2025 | 6:19 PM
ఐబొమ్మ రవి అరెస్ట్ సినీ వర్గాల్లో సంచలనం రేపింది. సాఫ్ట్వేర్ ఉద్యోగిగా సాఫీగా సాగుతున్న జీవితంలో ఆర్థిక కష్టాలు, భార్య అవమానాలు రవిని పైరసీ మార్గం వైపు నడిపించాయి. ఐబొమ్మ, బప్పం టీవీ వంటి వెబ్సైట్ల ద్వారా వేల కోట్ల నష్టాన్ని కలిగించి, ఓటీటీ ప్రింట్లను లీక్ చేసిన రవిని పోలీసులు ఎలా పట్టుకున్నారు? అతడి వ్యక్తిగత జీవితంలోని నాటకీయ పరిణామాలేమిటి?
రవి చేసింది చట్టరీత్యా తప్పే అయినా సోషల్ మీడియాలో మాత్రం ఫ్యాన్ఫాలోయింగ్ మామూలుగా లేదు. రవికి మద్దతుగా పోస్టులు వెల్లువెత్తుతున్నాయి. ఈ క్రమంలో రవి లైఫ్స్టయిల్ గురించి తెగ సెర్చ్ చేస్తున్నారు. సాప్ట్ వేర్ ఉద్యోగి.. అమీర్పేట కోచింగ్ సెంటర్లో పరిచయమైన అమ్మాయిని ప్రేమించి పెళ్లి చేసుకున్నాడు. వారి ప్రేమకు ప్రతిరూపంగా అందమైన కూతురు.. ఇదే అతడి జీవితం. కానీ డబ్బు సంపాదించడం చేతకాదు అంటూ ప్రేమించిన అమ్మాయి, ఆమె తల్లి అవమానించడంతో అవమానంగా ఫీలైన రవి.. పట్టుదలతో ఐబొమ్మ అనే వెబ్ సైట్ సృష్టించాడు. సినిమాలను పైరసీ చేసి ఆ వెబ్ సైట్ లో పెట్టి ఇండస్ట్రీకి.. నిర్మాతలకు వేల కోట్ల నష్టం కలిగించాడు. ఓటీటీ సర్వర్లను హ్యాక్ చేసి.. విడుదలైన గంటల్లోనే సినిమా హెచ్డీ ప్రింట్స్ ఐబొమ్మలో షేర్ చేసి.. అడియన్స్ ఫ్రీగా చూసేలా చేశాడు. ఇంకేముంది సినీప్రముఖులు, నిర్మాతలు అతడిపై పోలీసులకు ఫిర్యాదు చేశారు. దీంతో అతడిని పట్టుకునేందుకు రంగంలో దిగారు పోలీసులు. అదే సమయంలో దమ్ముంటే పట్టుకోండి అంటూ పోలీసులకే సవాలు విసరడంతో.. ఫోకస్ చేసి మరీ అతడిని పట్టుకున్నారు హైదరాబాద్ పోలీసులు. ఇక ఇప్పుడు ఐబొమ్మ రవి.. అలియాస్ ఇమంది రవి పేరు మారుమోగుతుంది. తన భార్య, అత్త ప్రతిక్షణం అవమానించడంతోనే ఎలాగైనా డబ్బు సంపాదించాలని తాను ఐబొమ్మ వెబ్ సైట్ క్రియేట్ చేసినట్లు రవి పోలీసుల విచారణలో చెప్పినట్లు సమాచారం. ఏడాది పాటు సంతోషంగా గడిపిన రవి జంట మధ్య ఆర్థిక సమస్యలు చిచ్చుపెట్టాయి. ప్రతిక్షణం భార్య.. ‘విదేశాల్లో ఉన్న మా అక్క, బావ కోట్లు సంపాదిస్తుంటే నీకు అది చేతగావటం లేదు’ అంటూ అవమానించేదట. దీంతో దంపతుల మధ్య మనస్పర్థలు రావటంతో విడాకుల వరకు వెళ్లింది. ఈ క్రమంలోనే ఆమె కుమార్తెను భార్య తీసుకెళ్లడంతో రవి ఒంటరిగా మిగిలాడు. ఆ తర్వాత ఒంటరిగా ఉన్న రవి.. ఎలాగైనా డబ్బు సంపాదించాలని సినిమాలు పైరసీ చేశాడట. గేమింగ్, బెట్టింగ్ యాప్ నిర్వాహకులతో వ్యాపార లావాదేవీలు సైతం కొనసాగించినట్లు విచారణలో పేర్కొన్నట్లు తెలుస్తోంది. ఐబొమ్మ, బప్పం టీవీ సైట్లను క్రియేట్ చేసి.. ఓటీటీలో విడుదలైన వెంటనే సినిమాలను పైరసీ చేశాడట. జీవితంలో ఎదురైన అనుభవాలతో అతడు మనుషులపై పూర్తిగా నమ్మకాన్ని కోల్పోయిన రవి నాలుగేళ్లుగా ఒంటిరిగా జీవిస్తున్నాడు. ఈ క్రమంలో తండ్రికీ దూరంగా ఉంటున్నాడు. రెండు నెలలకో దేశం తిరిగి.. చివరకు ఇంటికి చేరేవాడట రవి. మనుషులపై నమ్మకం తగ్గిపోవడంతో ఎవరితోనూ మాట్లాడేందుకు అంత సుముఖత చూపేవాడు కాదని సమాచారం. విడాకులకు సిద్ధంగా ఉన్న భార్యతో మాట్లాడి, విడాకులు తీసుకోవటంతో బాటు విశాఖ, హైదరాబాద్ ఆస్తులు అమ్ముకుని శాశ్వతంగా విదేశాలకు వెళ్లి, అక్కడ కొత్త జీవితాన్ని ప్రారంభించాలని అనుకుంటున్న దశలో ఈ అరెస్ట్ జరిగినట్లు తెలుస్తోంది.
మరిన్ని వీడియోల కోసం ఇక్కడ క్లిక్ చేయండి
Also Watch:
రూ 7.4 లక్షల నుంచి రూ 60 లక్షల ప్యాకేజ్కి .. టెకీ పోస్ట్ వైరల్
రైతు బిడ్డగా పుట్టి.. లక్ష కోట్ల కంపెనీ అధిపతిగా ఎదిగి
చందమామ మట్టిని తెచ్చేందుకు.. ముహూర్తం ఫిక్స్ !! అదే జరిగితే..
గుడి లేకుండా ధ్వజస్థంభం.. కాని నిరంతరం పూజలు.. ఎక్కడంటే ?
కురుపు అని గిల్లితే.. బయటపడిన బుల్లెట్
మగపిల్లవాడి కోసం ఆ దంపతులు ఏం చేశారో తెలుసా
భార్య వంట చేయడంలేదని కోర్టుకు ఎక్కిన భర్త..
దొంగ ఇంట్లో పోలీసులు చోరీ.. అదే కదా మ్యాజిక్కు
బట్టతల దాచిపెట్టి పెళ్లి.. బండారం బయటపడగానే.. బ్లాక్ మెయిల్
ఏడేళ్లుగా ఒంటికాలిపై సాధువు !! అన్న పానీయాలు, నిద్రా ఆ భంగిమలోనే
