బాలయ్యను క్షమాపణలు కోరిన సీవీ ఆనంద్

హైదరాబాద్ సిటీ పోలీసులు ఆమధ్య అతిపెద్ద సినిమా పైరసీ రాకెట్‌ గుట్టు రట్టు చేశారు. ఆ సమయంలో తెలుగు చిత్రరంగ ప్రముఖులతో ఓ మీటింగ్ నిర్వహించారు. ఈ సమావేశానికి బాలయ్య తప్ప అగ్ర హీరోలు అందరూ హాజరయ్యారు. పైరసీకి ఎలా చెక్ పెట్టాలి, టాలీవుడ్-పోలీసుల మధ్య సమన్వయంతో పని చేయడంపై లోతైన చర్చ జరిగింది. ఈ మీటింగ్‌కు సంబంధించిన వివరాలను సీవీ ఆనంద్ తన ఎక్స్ ఖాతాలో పోస్ట్ చేశారు. అయితే ఓ నెటిజన్.. బాలయ్యను కూడా మీటింగ్‌కు పిలవండి.. అంటూ కామెంట్ పెట్టాడు. ఆ కామెంట్‌కి సీవీ ఆనంద్ తన ఖాతా నుంచి స్మైలీ ఎమోజీ పెట్టారు. ఆ ఎమోజీపై బాలయ్య అభిమానులు తీవ్ర స్థాయిలో ఫైరయ్యారు. దీంతో సారీ చెబుతూ మరో ట్వీట్ చేశారు ఆనంద్. స్టార్ హీరో అయిన బాలకృష్ణ గురించి చిన్న ఎమోజీతో సీవీ ఆనంద్ స్పందించడంపై ఫ్యాన్స్ ఫైరయ్యారు. ఈ వివాదం రెండు నెలలుగా సోషల్ మీడియాలో నలుగుతూనే ఉండగా.. తాజాగా సీవీ ఆనంద్ క్లారిటీ ఇచ్చారు. తన సోషల్ మీడియా ఖాతాలు చూసే వ్యక్తి.. తెలియక ఎమోజీని రిప్లైగా పెట్టాడని.. అది తన నాలెడ్జ్‌లో లేకుండా చేసిన పని అని, ఈ విషయాన్ని తాను వెంటనే తెలుసుకోలేకపోయానని క్లారిటీ ఇచ్చారు ఆనంద్. అంతేకాదు ఈ విషయం తెలిసిన వెంటనే.. ఆ పోస్ట్ డిలీట్ చేసి.. పూర్తి వివరాల గురించి వాకబు చేసినట్లు తెలిపారు. బాలకృష్ణతో తనకు ఎన్నో ఏళ్ల సాన్నిహిత్యం ఉన్నందున పర్సనల్ మెసెజ్ ద్వారా సారీ చెప్పినట్లు వెల్లడించారు. తనకు అగ్ర నటులు అందరిపై గౌరవం ఉందని చెప్పారు. ఆ రిప్లై ఇచ్చిన సోషల్ మీడియా హ్యాండ్లర్‌లను తొలగించినట్లు ఆయన స్పష్టం చేశారు. ఈ వివాదం ఇక్కడితో ముగించాలని అందరికీ విజ్ఞప్తి చేశారు.

మరిన్ని వీడియోల కోసం ఇక్కడ క్లిక్ చేయండి

Also Watch:

SS Rajamouli: అటు పోలీస్ కేసు.. ఇటు టైటిల్ వివాదం! దెబ్బ మీద దెబ్బ!

Pawan Kalyan: శభాష్ సజ్జనార్..! పవన్‌ అభినందనలు

శబరిమలకు పోటెత్తిన భక్తులు.. స్వామి దర్శనానికి 18 గంటలు