Telangana: ఓ ఇంటి నుంచి అదేపనిగా వింత చప్పుళ్లు.. ఏంటని చూడగా.. వామ్మో.!

నిర్మల్ జిల్లా కేంద్రంలోని ఒక ఇంటిలో పాము చొరబడటంతో కలకలం రేగింది. చివరికి స్నేక్ క్యాచర్ పామును పట్టుకోవడంతో ఆ ఇంటి వాళ్ళు ఊపిరి పీల్చుకున్నారు. స్థానికులు తెలిపిన వివరాల ప్రకారం.. నిర్మల్ జిల్లా కేంద్రంలోని బంగ్లాదేశ్ కాలనీలో గల ఒక ఇంటిలో నాగుపాము చొరబడింది. పాము ఇంట్లోకి ప్రవేశించడానికి గమనించిన ఇంటి వాళ్ళు అందరూ బయటకు వచ్చి పట్టణంలోని పాములు పట్టే స్నేక్ క్యాచర్ యాసీన్ ఫోన్ ద్వారా సమాచారం అందించారు. పాము చొరబడిన ఇంటి వద్దకు చేరుకున్న యాసిన్ ఇంట్లోకి వెళ్లి చాకచక్యంగా పామును పట్టుకున్నాడు. నాగుపాము సుమారు 7 అడుగుల పొడవు ఉంది. పట్టుకున్న నాగు పామును పట్టణ శివారులోని అటవీ ప్రాంతంలో వదిలేశాడు.