ఉసేన్ బోల్ట్‌కి పాజిటివ్.. గతవారం గ్రాండ్ పార్టీ ఇచ్చిన స్ప్రింటర్
దిగ్గజ స్ప్రింటర్, ఎనిమిది ఒలింపిక్ బంగారు పతకాల వీరుడు ఉసేన్ బోల్డ్‌కి కరోనా సోకింది. ఇటీవల జరిపిన పరీక్షల్లో బోల్ట్‌కి పాజిటివ్ రావడంతో ప్రస్తుతం సెల్ఫ్ క్వారంటైన్‌లో ఉన్నారు
Usain Bolt Corona Positive: దిగ్గజ స్ప్రింటర్, ఎనిమిది ఒలింపిక్ బంగారు పతకాల వీరుడు ఉసేన్ బోల్డ్‌కి కరోనా సోకింది. ఇటీవల జరిపిన పరీక్షల్లో బోల్ట్‌కి పాజిటివ్ రావడంతో ప్రస్తుతం సెల్ఫ్ క్వారంటైన్‌లో ఉన్నారు. ఈ విషయాన్ని ఆయన సోషల్ మీడియాలో వెల్లడించారు. ”శనివారం జరిపిన పరీక్షల్లో నాకు పాజిటివ్‌గా నిర్ధారణ అయ్యింది. బాధ్యతగా ఉండాలని అనుకుంటున్నా. అందుకే నా స్నేహితులకు దూరంగా ఉంటూ సెల్ఫ్ క్వారంటైన్‌లో ఉన్నా. నాకు ఎలాంటి లక్షణాలు లేవు. హోమ్‌ క్వారంటైన్‌లో ఉండేందుకు ఆరోగ్య మంత్రిత్వ శాఖ ఇచ్చే ప్రొటోకాల్ ఏంటన్నది తెలుసుకుంటాను” అని అన్నారు. ఈ వీడియోకు నా ప్రజలు క్షేమంగా ఉండాలని కోరుకుంటున్నా అని కామెంట్ పెట్టారు. ఇక బోల్డ్‌కి పాజిటివ్ వచ్చిన విషయాన్ని జమైకా ఆరోగ్య మంత్రి కూడా ధృవీకరించారు.
అయితే ఆగష్టు 21న బోల్డ్‌ తన 34వ పుట్టినరోజును ఘనంగా జరుపుకున్నారు. ఈ వేడుకలో చాలా మంది పాల్గొనడంతో పాటు ఎవరూ మాస్క్‌లు పెట్టుకోలేదు. కోవిడ్ ఏ నిబంధనలను వీరు పాటించనట్లు సమాచారం. ఇక ఇప్పుడు బోల్డ్‌కి పాజిటివ్‌గా తేలడంతో.. ఆ పార్టీకి హాజరైన వారిలో ఆందోళన మొదలైనట్లు తెలుస్తోంది. వారిలో చాలా మంది సెల్ఫ్ క్వారంటైన్‌కి వెళ్లినట్లు సమాచారం. కాగా ఈ పార్టీకి క్రికెట్ లెజండ్ క్రిస్ గేల్‌ కూడా హాజరైనట్లు తెలుస్తోంది.
Read More:
