Breaking News
  • అమరావతి: సీఎం జగన్ కు చంద్రబాబు లేఖ. గాయకుడు ఎస్ పి బాల సుబ్రమణ్యం స్మృత్యర్ధం నెల్లూరులో సంగీత విశ్వవిద్యాలయం నెలకొల్పాలి. కాంస్య విగ్రహం ఏర్పాటు చేయాలి. కళాక్షేత్రం అభివృద్ది-ప్రతి ఏటా రాష్ట్ర పండుగగా జయంతి, జాతీయ పురస్కారం ఏర్పాటు చేయాలి. లలిత కళలకు ప్రోత్సాహం ఇవ్వాలని లేఖలో కోరిన చంద్రబాబు.
  • హేమంత్ హత్య కేసులో మరో ట్విస్ట్ . హేమంత్ కేసులో మరో ఇద్దరు ప్రమేయం ఉన్నట్లు ఆరోపిస్తున్న అవంతి. సందీప్ రెడ్డి గూడూరు, ఆశిష్ రెడ్డి ప్రమేయం కూడా ఉందంటున్న అవంతి . గతంలో హేమంత్ తండ్రితో బెదిరింపులకు దిగిన సందీప్ రెడ్డి . నాతో రెండు లక్షలు డబ్బులు తీసుకున్నాడు అంటూ నెల రోజులు క్రితం బెదిరింపులు . హేమంత్ కిడ్నాప్ అయిన రోజు సందీప్ రెడ్డి ని అదుపులోకి తీసుకున్న గచ్చి బౌలి పోలీసులు . సందీప్ రెడ్డి నుండి నాకు ప్రాణ హాని ఉందంటున్న అవంతి.
  • చెన్నై : ఎస్పీబీ మెమోరియల్ ఫై స్పందించిన ఎస్పీ చరణ్ . నాన్నగారి అభిమానులకోసం అయన స్మారకమందిరాన్ని తప్పకుండ నిర్మిస్తాము . అయన ఎంతో ఇష్టపడే అయన ఫార్మ్ హౌస్లోనే మా సొంత ఖర్చులతో నిర్మిస్తాము . తెలుగు, తమిళ భాషలతో పాటు దేశ వ్యాప్తంగా ఉన్న నాన్నగారి అభిమానులు ఆయన్ని స్మరించుకునేలా , ప్రజలు అందరూ వచ్చి సందర్శించేలా ఏర్పాటు చేస్తాము .
  • తండ్రిని చంపి పాతిపెట్టిన కొడుకు సహకరించిన తల్లి. కన్నకొడుకే తండ్రిని కిరాతకంగా అంతమొందించిన ఘటన . చేవెళ్ల‌ గుండాల గ్రామంలో ఘటన .   నెలరోజులుగా తండ్రి కనిపించకపోవడంతో బంధువులు కొడుకుని గట్టిగా నిలదీయడంగ అసలు విషయం బట్టబయలు . నెల రోజులుగా కనిపించకుండా పోయిన కిష్టయ్య. తల్లితో కలసి తండ్రిని చంపేశానని ,తమ పొలంలోనే పాతిపెట్టినట్లు అంగీకరించిన కొడుకు . మృతదేహం బయటికి తీసి పోస్ట్ మార్టం నిమిత్తం ప్రభుత్వ ఆస్పత్రికి తరలించిన పోలీసులు.
  • వివాదాస్పద 3 రైతు బిల్లలకు రాష్ట్రపతి ఆమోదముద్ర. గెజిట్ నోటిఫికేషన్ విడుదల. నేటి నుంచి చట్టరూపం సంతరించుకున్న బిల్లులు.
  • తూర్పు బీహార్‌ పరిసర ప్రాంతాల్లో కొనసాగుతున్న అల్పపీడనం. ఈశాన్య జార్ఖండ్‌, ఒడిశా మీదుగా మరో ఉపరితల ద్రోణి. అక్కడక్కడా ఉరుములు, మెరుపులతో కూడిన వర్షాలు. పలు చోట్ల భారీ నుంచి అతిభారీ వర్షాలు. నేడు, రేపు ఒకట్రెండు చోట్ల భారీ వర్షాలు-వాతావరణశాఖ.
  • మాజీ కేంద్ర మంత్రి శ్రీ జస్వంత్ సింగ్ అకాల మృతి పట్ల సంతాపం తెలియ చేసిన ఆంధ్రప్రదేశ్ గవర్నర్ శ్రీ బిస్వ భూషణ్ హరిచందన్. శ్రీ అటల్ బిహారీ వాజపేయి ప్రభుత్వంలో విదేశీ వ్యవహారాల శాఖ, ఆర్ధిక శాఖ మంత్రిగా పని చేసిన శ్రీ జస్వంత్ సింగ్ దేశానికి విశిష్ట సేవలు అందించారని గవర్నర్ శ్రీ హరిచందన్ తెలిపారు. శ్రీ జస్వంత్ సింగ్ కుటుంబ సభ్యులకు ప్రగాఢ సానుభూతిని తెలిపారు.

అయోధ్యలో వేంకటేశ్వరస్వామి ఆలయం..

అయోధ్యలో రామమందిరమే కాదు.. కలియుగ ప్రత్యక్షదైవం వేంకటేశ్వరుడి ఆలయమూ కొలువదీరబోతోంది. అక్కడ శ్రీవారి ఆలయాన్ని నిర్మించేందుకు యూపీ ప్రభుత్వాన్ని ఐదు ఎకరాల స్థలాన్ని కేటాయించాలని తిరుమల తిరుపతి దేవస్థానం కోరింది.

TTD seeks UP government, అయోధ్యలో వేంకటేశ్వరస్వామి ఆలయం..

అయోధ్యలో రామమందిరమే కాదు.. కలియుగ ప్రత్యక్షదైవం వేంకటేశ్వరుడి ఆలయమూ కొలువదీరబోతోంది. అక్కడ శ్రీవారి ఆలయాన్ని నిర్మించేందుకు యూపీ ప్రభుత్వాన్ని ఐదు ఎకరాల స్థలాన్ని కేటాయించాలని తిరుమల తిరుపతి దేవస్థానం కోరింది. యూపీ సర్కార్‌ కూడా స్థల కేటాయింపుకు సానుకూలంగా ఉన్నట్లు తెలుస్తోంది.

తిరుమల శ్రీవేంకటేశ్వరస్వామిని దర్శించుకునేందుకు ప్రపంచవ్యాప్తంగా భక్తులు వస్తూ ఉంటారు. సుదూర ప్రాంతాల నుంచి తిరుమలకు వచ్చే ఉత్తరాది భక్తులు ఎప్పటి నుండో శ్రీవారి ఆలయ ప్రతిరూపాన్ని తమ ప్రాంతాల్లో నిర్మించాలని కోరుతున్నారు. వారి కోరిక మేరకు టీటీడీ కూడా ఉత్తరాదిలోని ముఖ్యమైన ప్రాంతాల్లో శ్రీవారి ఆలయాల నిర్మాణం చేపట్టాలని నిర్ణయించింది.

ఇందులో భాగంగా ఇప్పటికే జమ్మూ ప్రభుత్వంతో సంప్రదింపులు జరిపింది. డుమ్మీ, మజిన్ పరిసరాల్లో జమ్మూ ప్రభుత్వం స్థలాన్ని కూడా నిర్థారించింది. ఇప్పటికే టీటీడీ చైర్మన్‌ వై.వి.సుబ్బారెడ్డి, ఈఓ అనిల్ సింఘాల్, ఇంజినీరింగ్ అధికారుల బృందం ఆ స్థలాన్ని పరిశీలించింది. ఇక భూ కేటాయింపు ప్రక్రియ పూర్తైతే త్వరలోనే జమ్మూలో శ్రీవారి ఆలయం కొలువుదీరబోతోంది.

ఇప్పటికే హైదరాబాద్, కురుక్షేత్ర, కన్యాకుమారీలలో శ్రీవారి ఆలయ నిర్మాణాలు పూర్తి చేసి స్వామివారి దర్శన భాగ్యం కల్పిస్తున్నారు. భువనేశ్వర్, వైజాగ్, చెన్నయ్ లలో ఆలయ నిర్మాణ పనులు జరుగుతున్నాయి. మహారాష్ట్ర ప్రభుత్వం ముంబయ్ లోని బాద్రా ప్రాంతంలో ఆలయ నిర్మాణానికి 650 గజాల స్థలాన్ని కేటాయించింది. ఇక్కడ రూ.30కోట్లతో టీటీడీ ఆలయ నిర్మాణాన్ని చేపట్టనుంది.

తాజాగా శ్రీరాముడి జన్మ స్థలమైన అయోధ్యలో కూడా శ్రీవారి ఆలయాన్ని నిర్మించేందుకు టీటీడీ సన్నద్ధమైంది. 5 ఎకారాల స్థలాన్ని కేటాయించాలని యూపీ ప్రభుత్వాన్ని కోరింది. యూపీ ప్రభుత్వం కూడా స్థల కేటాయింపుకు సానుకూలంగా ఉన్నట్లు తెలుస్తోంది. అయోధ్యలో ఇప్పటికే రామమందిర నిర్మాణం ప్రారంభమైంది. శ్రీవారి ఆలయం కూడా నిర్మిస్తే ఉత్తరాది భక్తులు అటు రామ భజన, ఇటు గోవిందనామ స్మరణతో పరవశించిపోతారు.

Related Tags