Watch Viral Video: రద్దీగా ఉండే ఎయిర్‌పోర్టులో సూపర్‌ లవ్‌సీన్‌.. ప్రియురాలిని ఇంప్రెస్‌ చేసేందుకు ప్రియుడు చేసిన పని..నెటిజన్లు సైతం ఫిదా

Young Man Proposes

సోషల్ మీడియాలో ప్రతీ రోజూ వేల సంఖ్యలో వీడియోలు వైరల్ అవుతున్నాయి. అయితే వాటిలో కొన్ని వీడియోలు ఒకసారి చూసిన తర్వాత మళ్లీ మళ్లీ చూడాలనిపించేలా ఉంటాయి. అలాంటిదే ఈ వీడియో కూడా. ఎయిర్‌పోర్ట్‌లో సినిమా స్టైల్‌లో ప్రియురాలికి ప్రపోజ్ చేశాడు ఓ యువకుడు. దాంతో ఆ యువతి ఇంప్రెస్‌ అయిపోతుంది. చుట్టూ జనాలు చూస్తుండగానే అతడు మోకాళ్లపై కూర్చుని ఎంతో అందంగా తనకు ప్రపోజ్‌ చేయటం ఆమె ఫిదా అవుతుంది. సోషల్ మీడియాలో వైరల్‌గా మారిన ఈ వీడియో నెటిజన్లను సైతం ఆకట్టుకుంటోంది. వీడియో చూసిన చాలా మంది తమ అభిప్రాయాలను వ్యక్తం చేస్తున్నారు.

ఆక్లాండ్ విమానాశ్రయంలో జరిగింది ఈ అద్భుతమైన సీన్‌. విమానాశ్రయంలో ఓ భారతీయ యువకుడు తన ప్రియురాలికి బాలీవుడ్ స్టైల్‌లో ప్రపోజ్ చేయడం ఆమెను ఆశ్చర్యపరిచింది. దాంతో ఆమె సంతోషంలో తేలిపోయింది. వీరి ప్రేమ సీన్‌ నెటిజన్ల మనసు దోచుకుంది. రద్దీగా ఉండే ఎయిర్‌పోర్ట్‌లో ఇలాంటి ప్రేమ ప్రపోజల్, రొమాన్స్‌కి హద్దులు లేవని నిరూపిస్తుంది. ఒక బాలీవుడ్ సినిమాలోని సీన్ లాగా ఉందంటూ పలువురు కామెంట్‌ చేశారు. ఆక్లాండ్ విమానాశ్రయంలో యంగ్ యశ్ రాజ్ తన స్నేహితురాలు రియా శుక్లాను రద్దీగా ఉన్న విమానాశ్రయంలో ప్రపోజ్ చేసి ఆశ్చర్యపరిచాడు.

ఆ యువతికి తెలియకుండా.. ముందే వారి స్నేహితులు, కుటుంబ సభ్యులను ఎయిర్‌పోర్టు లోపలికి తీసుకొచ్చి.. అందరి ఎదురుగానే.. ‘నన్ను పెళ్లి చేసుకుంటావా?’ అని నేరుగా యువతిని కోరాడు. పైగా చుట్టూ ఉన్న జనాల చేతుల్లో ప్లకార్డులు ఏర్పాటు చేశాడు..వాటిపై విల్‌ యూ మ్యారీ మీ అనే సందేశం ఉంది.. ఎయిర్‌పోర్టులో ఊహించని విధంగా అనౌన్స్‌ చేస్తూ.. తనను పెళ్లి చేసుకుంటావా అని అడగటంతో ఆ యువతి పట్టరాని సంతోషంతో ఉక్కిరిబిక్కిరవుతుంది. ఆ తర్వాత యువకుడు మోకాళ్లపై కూర్చొని ఉంగరంతో ప్రియురాలికి ప్రపోజ్ చేశాడు. దాంతో ఆమె కరిగిపోతుంది. ఈ వీడియోను లక్షలాది మంది వీక్షించారు. ఇలాంటి లవ్ స్టోరీలకే అందరూ పడిపోతుంటారు అంటూ పలువురు వ్యాఖ్యానించారు.

మరిన్ని ట్రెండింగ్ న్యూస్ కోసం క్లిక్ చేయండి..