Strange Fish: సముద్రపు ఒడ్డున నడుస్తుండగా కనిపించింది చూసి ఆశ్చర్యానికి గురైన మహిళ…

Eels: సముద్రం ఎన్నో జీవులకు ఆవాసం. అందులో మనకు తెలిసిన జీవులు కొన్నే. చేపల్లో సైతం మనకు తెలిసినవి కొన్నే. తెలియనవి ఎన్నో రకాలు ఉన్నాయి. తాజాగా ఒక టాస్మానియన్ మహిళ బ్రూనీ ద్వీపం వద్ద ఇసుకలో ఓ అరుదైన చేపను కనుగుంది. తొలుత దాన్ని చూసి ఆమె.. సముద్రపు పాచి మొక్క అనుకుంది. కానీ దానికి కన్ను కనిపించడంతో ఆశ్చర్యానికి గురైంది. ఆ చేప చాలా ట్రాన్స్పరెంట్‌గా ఉంది. చేతిలో పెట్టుకుంటే చేప శరీరంలో నుంచి కింద ఉన్న అర చేయి కనిపిస్తుంది. అసలు దాని మెదడు ఎక్కడ ఉంది.. దాని లోపల ఏదైనా  శరీర నిర్మాణం ఉందా అని ఆ మహిళ ఆశ్చర్యానికి, గందరగోళానికి గురైంది. మాక్వేరీ యూనివర్శిటీలోని జీవశాస్త్రవేత్త ప్రొఫెసర్ కులమ్ బ్రౌన్ ఈ విచిత్రమైన చేప ఈల్ జాతికి చెందిన లార్వా అని చెప్పారు. ఇవి సముద్రంలో పొదగబడతాయని వెల్లడించారు. ఈల్ జాతి చేపల లావాలు తొలుత చిన్నవిగా, సన్నగా, చదునుగా, పారదర్శకంగా ఉంటాయని తెలిపారు.  తీరానికి చేరుకునే కొద్దీ అవి క్రమంగా బలపడతాయని, పొడుగుగా మారడం ప్రారంభిస్తాయన్నారు. పూర్తిగా పెరిగిన తర్వాత సాధారణ ఈల్ కలర్.. ఆకుపచ్చ/గోధుమ రంగులోకి మారుతాయని తెలిపారు. ఆపై ఇవి నదులు, సెలయేర్లలోకి వలస వెళ్తాయని వివరించారు. (Source)

మరిన్ని ట్రెండింగ్ వార్తల కోసం క్లిక్ చేయండి..