స్కూటర్ డ్రైవింగ్ రాకపోతేనేం.. ఒడిలో పెట్టుకుని చెక్కేసింది! ఆమె ఐడియాకు నెటిజన్స్ ఫిదా!

ప్రస్తుతం ఒక వీడియో సోషల్ మీడియాలో విపరీతంగా వైరల్ అవుతోంది. ఇది చూసిన నెటిజన్లు ఒకవైపు ముక్కున వేలేసుకుంటుంటే, మరోవైపు నవ్వు ఆపుకోలేకపోతున్నారు. దీనికంతటికీ కారణం.. ఆ వీడియోలో కనిపించే ఒక మహిళ చూపించిన అసాధారణమైన ఆత్మవిశ్వాసం, ఆమె వినూత్నమైన ఆలోచనా శైలి.

ఇండోనేషియాకు చెందిన ఒక మహిళ ఎంతో ముచ్చటపడి ఒక సరికొత్త ఎలక్ట్రిక్ స్కూటర్‌ను కొనుగోలు చేసింది. కొత్త వాహనం సొంతమైందనే ఆనందం ఆమె ముఖంలో స్పష్టంగా కనిపిస్తోంది. అయితే, ఇక్కడే ఒక చిన్న ట్విస్ట్ ఉంది. ఆమెకు స్కూటర్ నడపడం అస్సలు రాదు. సాధారణంగా ఇలాంటి పరిస్థితి వస్తే ఎవరైనా ఏం చేస్తారు? షోరూమ్ వాళ్లనే ఇంటికి డెలివరీ చేయమనడమో, లేదా డ్రైవింగ్ తెలిసిన స్నేహితులనో, కుటుంబ సభ్యులనో సహాయం అడుగుతారు. కానీ ఈ మహిళ మాత్రం అందరిలా ఆలోచించలేదు. ఎవరిపైనా ఆధారపడకూడదని నిర్ణయించుకుంది.

ఆమె అనుసరించిన పద్ధతి ఇంటర్నెట్ ప్రపంచాన్ని పూర్తిగా దిగ్భ్రాంతికి గురిచేసింది. ఆమె ఏమాత్రం సంకోచించకుండా, వేరొకరు నడుపుతున్న స్కూటర్ వెనుక సీటుపై కూర్చుంది. అంతవరకు బాగానే ఉన్నా, తను కొన్న కొత్త ఎలక్ట్రిక్ స్కూటర్‌ను ఏకంగా తన ఒడిలో నిలువుగా పట్టుకుని కూర్చుంది! వినడానికి వింతగా ఉన్నా, చూసేవాళ్లకు ఇది పెద్ద స్టంట్ లా అనిపించింది. రోడ్డుపై వాహనాలు వేగంగా కదులుతున్నాయి, రద్దీగా ఉంది, పైగా కొత్త స్కూటర్ చాలా బరువు ఉంటుంది. అయినా ఆమె ముఖంలో ఎలాంటి భయం గానీ, కంగారు గానీ లేదు.

వైరల్ వీడియోను ఇక్కడ చూడండి..

View this post on Instagram

A post shared by indian cult culture (@indiancultculture)

ఈ వీడియో సోషల్ మీడియాలో షేర్ అయిన వెంటనే వైరల్‌గా మారింది. నెటిజన్లు ఆమె ఆత్మవిశ్వాసాన్ని ఒక ప్రొఫెషనల్ స్టంట్ పెర్ఫార్మర్‌తో పోలుస్తున్నారు. “ఆత్మవిశ్వాసంతో నిండిన వ్యక్తికి ఎలాంటి కష్టాలైనా చాలా చిన్నవిగా కనిపిస్తాయి అనడానికి ఈ మహిళే నిదర్శనం.” “సమస్యల గురించి ఏడవడం కంటే, వాటికి పరిష్కారం వెతకడం ముఖ్యం అని ఈమె నిరూపించింది” అంటూ ప్రశంసలు కురిపిస్తున్నారు. ఒత్తిడిని జయించి, ప్రశాంతంగా ఆలోచిస్తే ఎంతటి సమస్యనైనా సునాయాసంగా దాటవచ్చని చెప్పడానికి ఈ వీడియో ఒక చక్కటి ఉదాహరణగా నిలిచింది.

మరిన్ని ట్రెండింగ్ వార్తల కోసం ఇక్కడ క్లిక్ చేయండి..