మరిగే నూనెలో పకోడీలు, అదే కడాయిలో టీ తయారీ.. వీధి వ్యాపారి విచిత్ర ప్రయోగం చూస్తే మైండ్ బ్లాక్ అవ్వాల్సిందే!
ప్రస్తుత ఇంటర్నెట్ ప్రపంచంలో సోషల్ మీడియా హవా కొనసాగుతోంది. ఆ నెట్టింట ఎలాంటి విచిత్రాలు ఎప్పుడు వైరల్ అవుతాయో చెప్పడం కష్టం. ముఖ్యంగా వీధి వ్యాపారులు చేసే ప్రయోగాలు, వంటకాల కాంబినేషన్లు తరచూ నెటిజన్లను ఆశ్చర్యపరుస్తుంటాయి. తాజాగా పాకిస్తాన్కు చెందిన ఒక రోడ్సైడ్ వ్యాపారి చేసిన వింత ప్రయోగం సోషల్ మీడియాలో నెటిజన్ల దృష్టిని విశేషంగా ఆకర్షిస్తోంది. వైరల్ వీడియోలో ఏముందంటే..
Updated on: Jul 21, 2026 | 4:59 PM
సామాజిక మాధ్యమాల ప్రపంచంలో ఎలాంటి విచిత్రాలు ఎప్పుడు వైరల్ అవుతాయో చెప్పడం కష్టం. ముఖ్యంగా వీధి వ్యాపారులు చేసే ప్రయోగాలు, వంటకాల కాంబినేషన్లు తరచూ నెటిజన్లను ఆశ్చర్యపరుస్తుంటాయి. తాజాగా పాకిస్తాన్కు చెందిన ఒక రోడ్సైడ్ వ్యాపారి చేసిన వింత ప్రయోగం సోషల్ మీడియాలో నెటిజన్ల దృష్టిని విశేషంగా ఆకర్షిస్తోంది. వైరల్ వీడియోలో ఏముందంటే..
సోషల్ మీడియాలో వైరల్ అవుతున్న వీడియో ప్రకారం.. ఒక వీది వ్యాపారి ఒక పెద్ద కడాయిలో నూనెను బాగా కాచి పకోడీలు వేయిస్తున్నాడు. అయితే విచిత్రం ఏమిటంటే, అదే నూనె కాగుతున్న పాత్ర మధ్యలో ఒక చిన్న పాత్రను ఉంచి అందులో పాలు, టీ పొడి వేసి టీ కాచడం ప్రారంభించాడు. నూనె వేడి సహాయంతోనే ఆ పాత్రలోని టీ కూడా వేడెక్కి మరుగుతుంది. ఒకే స్టవ్, ఒకే బాణలి ఉపయోగించి ఒకే సమయంలో పకోడీలు, టీ రెండింటినీ తయారు చేయడం ఈ వీడియోలో స్పష్టంగా కనిపిస్తుంది.
ఈ వీడియో ఇంటర్నెట్లో షేర్ అయినప్పటి నుండి నెటిజన్ల నుంచి విభిన్న రకాల కామెంట్లు వెల్లువెత్తుతున్నాయి. కొందరు దీనిని ఒకే దెబ్బకు రెండు పిట్టలు అని అభివర్ణించారు. సమయం, గ్యాస్ ఆదా చేయడానికి ఇది ఒక అద్భుతమైన దేశీ జుగాడ్ అని, అసలైన మల్టీటాస్కింగ్ అంటే ఇదేనని కామెంట్లు చేశారు. ఇలాంటి వింత టాలెంట్ కేవలం మన దేశంలోనే చూడగలం అని మరికొందరు సరదాగా వ్యాఖ్యానించారు.
వీడియో ఇక్కడ చూడండి..
View this post on Instagram
అయితే మెజారిటీ నెటిజన్లు దీనిపై తీవ్ర అభ్యంతరం వ్యక్తం చేశారు. మరిగే నూనె చుక్కలు టీ పాత్రలో పడే ప్రమాదం ఉందని, దానివల్ల ఆహార పరిశుభ్రత పూర్తిగా దెబ్బతింటుందని హెచ్చరించారు. అంతేకాకుండా ఇది ఆరోగ్యానికి తీవ్ర హాని కలిగిస్తుందని ఆందోళన వ్యక్తం చేశారు. వ్యాపార వ్యయాన్ని తగ్గించుకోవడానికి, త్వరగా ఆర్డర్లు పూర్తి చేయడానికి వ్యాపారులు ఇలాంటి వింత మార్గాలను ఎంచుకుంటున్నప్పటికీ, ఆహార భద్రత విషయంలో ఇలాంటి ప్రయోగాలు ఏమాత్రం తగవని నెటిజన్లు అభిప్రాయపడుతున్నారు. ప్రస్తుతం ఈ విచిత్రమైన పకోడీ-ఛాయ్ వీడియో అన్ని సోషల్ మీడియా ప్లాట్ఫామ్లపై విపరీతంగా ట్రెండ్ అవుతోంది.
