Viral Video: లైక్‌ల కోసం రిస్క్‌ చేస్తే లైఫే లేకుండా పోతది బ్రో… ఊపిరి బిగబట్టి చూసే స్టంట్‌ ఇది..

Bull Cart Stunt

సోషల్‌ మీడియా అందుబాటులో వచ్చాక యువతీ యువకులు ఫేమస్‌ కావడం కోసం రకరకాల విన్యాసాలు చేస్తూ రీల్స్‌ అప్‌లోడ్‌ చేస్తుంటారు. రీల్స్‌ మోజులో పడి కార్లు, బైక్‌లో స్టంట్లు చేసి ప్రమాదాల బారిన పడుతున్నారు. కొన్ని సార్లు ప్రాణాలు పోగొట్టుకున్న సంఘటనలు కూడా ఉన్నాయి. అయినా స్టంట్స్‌ చేయడం మాత్రం మానడం లేదు. అలాంటి వీడియోనే ఇది. ఇక్కడో యువకుడు ఎద్దుల బండితో చేసిన స్టంట్‌ ఇప్పుడు సోషల్‌ మీడియాను షేక్‌ చేస్తుంది. ఇంత ప్రమాదకరమైన స్టంట్‌ను ఎవరూ ఊహించి ఉండరు. అందుకే నెట్టింట ఈ వీడియో వైరల్‌ అవుతోంది.

ఆ వ్యక్తి బైక్ లేదా కారుపై కాకుండా ఎడ్ల బండిపై విన్యాసాలు చేసి ప్రజలను ఆశ్చర్యపరిచాడు. ఆ వ్యక్తి ఎడ్ల బండిని అతివేగంగా నడుపుతున్నట్లు వీడియోలో చూడవచ్చు. ప్రమాదకరంగా చెప్పాలంటే, అతను దుమ్ముతో కూడిన రోడ్డుపై ఎడ్ల బండిని చాలా వేగంగా నడుపుతాడుర. అతను దాదాపు పడిపోయే క్షణం వస్తుంది. కానీ, అతను బండిని సరిగ్గా నియంత్రించడం కనిపిస్తుంది. ఎద్దులు రన్నింగ్‌లో ఉండగానే బండి ఉల్టా తిరిగిపోయి పరిగెడుతుంది. ఆ వ్యక్తి ఎంతో చాకచక్యంగా పోల్‌ను పట్టుకుని మళ్లీ బండిమీదకు వచ్చేస్తాడు. గ్రామస్తులు దూరం నుండి చూస్తుండగా, సమీపంలో నిలబడి ఉన్న కొంతమంది తమ మొబైల్ ఫోన్లలో ఈ దృశ్యాలను చీత్రీకరించారు. దాంతో వీడియో ఇప్పుడు వైరల్ అవుతోంది.

వైరల్‌గా మారిన వీడియోపై నెటిజన్స్‌ ఫన్నీ కామెంట్స్‌ పెడుతున్నారు. “సోదరా, లైక్‌లు మరియు వ్యూస్ కోసం ఈ దాహం ఏమిటి?” అంటూ ఒక యూజర్‌ పోస్టు పెట్టారు. మరొక వ్యక్తి వీడియోపై వ్యాఖ్యానిస్తూ, మీరు పొరపాటున పడి ఉంటే, నన్ను నమ్మండి, మీ మరణం ఖాయం అని రాశాడు. మరొకరు రాశారు, సోదరా, ఎద్దుల బండి మీద ఇలాంటి విన్యాసాలు ఎవరైనా చేస్తారా? అంటూ కామెంట్స్‌ చేశాడు.

వీడియో చూడండి: