వీడెవడండీ బాబు..! ఊరందరినీ కంగారు పెట్టి మురుగు కాలువలో గుర్రుపెడుతున్నాడు..షాకింగ్ వీడియో చూస్తే..
ప్రస్తుత కాలంలో ఎండలు మండిపోతున్నాయి. వేసవి తీవ్రత కారణంగా ప్రజలు ఇళ్ల నుంచి బయటకు రావడానికే భయపడుతున్నారు. హీట్వేవ్స్, విపరీతమైన ఉక్కపోత వల్ల ప్రజలు ఏసీలు, కూలర్లను ఆశ్రయిస్తున్నారు. అయినప్పటికీ ఎండల నుంచి పూర్తి ఉపశమనం లభించడం లేదు. ఇలాంటి పరిస్థితుల్లో ఎండ వేడిమి నుంచి తట్టుకోవడానికి ఒక చిన్నారి కనిపెట్టిన వింత ఉపాయం సోషల్ మీడియాలో విపరీతంగా వైరల్ అవుతోంది. ఆ బాలుడు చేసిన పని చూసి నెటిజన్లు ఒక్కసారిగా షాక్కు గురవుతున్నారు.
ప్రస్తుత రోజుల్లో ఎండ తీవ్రత సాధారణ ప్రజలనే కాకుండా పశుపక్ష్యాదులను కూడా ఉక్కిరిబిక్కిరి చేస్తోంది. ఇటీవల ఇన్స్టాగ్రామ్లో వైరల్ అయిన ఒక వీడియో వేసవి తాపానికి అద్దం పడుతోంది. మండిపోతున్న ఎండ, ఉష్ణోగ్రతలు పెరిగిపోతున్నప్పుడు, ప్రజలు వేడి నుండి ఉపశమనం పొందడానికి ఎంతకైనా తెగిస్తారు. కానీ, ఆ తీవ్రమైన వేడి నుండి తప్పించుకోవడానికి ఎవరైనా తమ ప్రాణాలను పణంగా పెడతారా? ప్రస్తుతం సోషల్ మీడియాలో ఒక దిగ్భ్రాంతికరమైన వీడియో వైరల్ అవుతూ, చూసేవారిని నిశ్చేష్టులను చేస్తోంది. వైరల్ వీడియోలో ఏముందంటే..
వైరల్ అవుతున్న ఈ వీడియోలో ఒక చిన్న బాలుడు ఇంట్లో ఎవరికీ చెప్పకుండా వారి ఇంటి నుండి అకస్మాత్తుగా అదృశ్యమయ్యాడు. అతను దగ్గర్లో ఆడుకోవడానికి వెళ్ళాడని కుటుంబ సభ్యులు భావించారు. కానీ, చాలా సేపటి వరకు అతను కనిపించకపోవడంతో వారు తీవ్ర ఆందోళనకు గురయ్యారు. వెంటనే, ఆ కుటుంబం పరిసర ప్రాంతాల్లో వెతకడం ప్రారంభించింది. వారు వీధులు, బంధువుల ఇళ్ళు, ప్రతి పరిసర ప్రాంతంలో వెతికారు, కానీ, ఆ పిల్లవాడు ఎక్కడా కనబడలేదు. ఆ పిల్లవాడి తల్లిదండ్రులు తీవ్రంగా కుంగిపోయారు. అతని కోసం వెతకడానికి మొత్తం గ్రామం ఏకమైంది.
అప్పుడు అకస్మాత్తుగా, గ్రామం చివర్లో ఉన్న ఒక చిన్న నీటి గుంట వద్ద వారికి ఒక వింత దృశ్యం కనిపించింది. అది చూసి అందరూ కేకలు వేశారు. ఆ కాలువ గట్టు మీద ఒక బాలుడు పడి ఉన్నాడు. దూరం నుండి చూస్తే, ఏదో ఘోరమైన ప్రమాదం జరిగినట్లు అనిపించింది. కానీ, దగ్గరగా వెళ్ళేసరికి, అసలు నిజం బయటపడి అందరినీ దిగ్భ్రాంతికి గురిచేసింది. ఆ బాలుడు నీటిలో పడి మునిగిపోలేదు. విపరీతమైన ఎండల నుండి ప్రాణాలను కాపాడుకోవడానికి, శరీరాన్ని చల్లబరుచుకోవడానికి ఒక వినూత్న మార్గాన్ని ఎంచుకున్నాడు. అతను ఇంట్లో పడుకోకుండా, గ్రామ సమీపంలోని నీటి గుంటను తన బెడ్రూమ్గా మార్చుకున్నాడు. ఆ బాలుడు కేవలం తన ముఖాన్ని మాత్రమే నీటి పైకి ఉంచి, శరీరం మొత్తాన్ని నీటిలో ముంచి ఎంతో హాయిగా నిద్రపోతూ కనిపించాడు. కానీ, ఇప్పుడా నీటి గుంట మురుగు కాలువగా మారింది.
ఏమాత్రం కదలకుండా, ఎంతో ప్రశాంతంగా నీళ్లలోనే నిద్రపోతున్న తీరు చూస్తే ఎవరికైనా ఆశ్చర్యం కలగక మానదు. ఆ దారి వెంట వెళ్తున్న కొందరు ఈ వింత దృశ్యాన్ని చూసి తమ మొబైల్ ఫోన్లలో రికార్డ్ చేశారు. ఈ వీడియో సోషల్ మీడియా ప్లాట్ఫారమ్ అయిన ఇన్స్టాగ్రామ్లో bca_memes అనే అకౌంట్ ద్వారా షేర్ చేయబడింది.
तालाब में मिला लापता बच्चा, घर वाले घंटों से कर रहे थे तलाश
लेकिन बच्चा तो बस सो रहा था
भीषण गर्मी से राहत पाने के लिए इस बच्चे ने तालाब के पानी को ही अपना बिस्तर बना लिया
वायरल हो रहे इस वीडियो में देखिए कैसे इसे पानी से बाहर निकाला गया pic.twitter.com/Wjbui22FQF
— Mohammad Zishan Ansari (@Ansari_Shams_) June 19, 2026
ఈ వీడియో నెటిజన్లను విపరీతంగా ఆకట్టుకుంటోంది. దీనికి ఇప్పటివరకు లక్షలాది వీక్షణలు (views), వేలాది లైకులు వచ్చాయి. ఈ వీడియోపై ఇంటర్నెట్ వినియోగదారులు రకరకాలుగా ఫన్నీ కామెంట్లు పెడుతున్నారు. ఈ బాబు కంటే సుఖంగా ప్రస్తుతం ఈ ప్రపంచంలో ఎవరూ నిద్రపోవడం లేదు అని ఒకరు రాయగా.. ఎండల తీవ్రత ఎలా ఉందో చెప్పడానికి ఈ ఒక్క వీడియో చాలు అని మరొకరు కామెంట్ చేశారు. న్యాచురల్ ఏసీ అంటే ఇదే మరి అంటూ కొందరు జోకులు వేస్తున్నారు. అయితే, ఇలాంటి లోతైన నీటి గుంటలలో పిల్లలను ఒంటరిగా వదిలేయడం ప్రమాదకరమని, తల్లిదండ్రులు జాగ్రత్తగా ఉండాలని కొందరు నెటిజన్లు హెచ్చరిస్తున్నారు.
మరిన్ని ట్రెండింగ్ న్యూస్ కోసం క్లిక్ చేయండి..