Viral News: రీల్స్, లైక్స్ కోసం రెండేళ్ళ కూతురిని కారులో లాక్ చేసిన తల్లిదండ్రులు.. దుమ్మెత్తి పోస్తున్న నెటిజన్లు
తండ్రి తన 2 సంవత్సరాల కుమార్తె నానోకాను టయోటా కారులో వెనుక సీటులో కూర్చోబెట్టడానికి సిద్ధమవుతున్నట్లు ఈ వీడియో ప్రారంభమవుతుంది. ఇంతలో కారు లాక్ అయింది. అప్పుడు ఆ తండ్రి ఎవరి నుండి సహాయం కోరలేదు లేదా అత్యవసర సేవలకు కాల్ చేయలేదు. బదులుగా తండ్రి ఈ సంఘటనను వీడియో రికార్డ్ చేయడం ప్రారంభించాడు. ఆ రెండేళ్ళ పాప కారులోపల చెమటతో తడిసి ముద్దయిపోయి ఏడుస్తున్నప్పటికీ తండ్రి ఏమాత్రం జాలి కలగలేదు. సరికదా ఇదొక వినోదంగా చిత్రీకరించాడు.
సోషల్ మీడియాలో వీడియోలను రూపొందించడం, వాటిని వివిధ ప్లాట్‌ఫారమ్‌లలో షేర్ చేయడం ద్వారా ఫేమస్ అవ్వడం ఈ రోజుల్లో ఫ్యాషన్‌గా మారింది. ఇలాంటి రీల్స్ తో మంచి మొత్తంలో ఆదాయం కూడా వస్తుంది. అందుకే గత కొన్నేళ్లుగా ప్రజల దృష్టి వీటిపై పడింది. కొంతమంది తమాషా వీడియోలు చేస్తుంటే మరికొందరు చేసే వీడియోలు చూస్తే కోపం తెప్పిస్తాయి. కొంతమంది వీడియోలు చేస్తూ తమ జీవితాలను, తమ కుటుంబాలను కూడా ప్రమాదంలో పడేస్తారు. జపాన్‌లోని ఓ జంట తమ కూతురితో కలిసి వీడియోను తీయడం.. అది చూసి ప్రజలు ఆగ్రహం వ్యక్తం చేయడంతో చాలా చర్చనీయాంశంగా మారింది.
వాస్తవానికి ఓ జపాన్ జంట తమ రెండేళ్ల కుమార్తెను మండే వేడిలో కారులో లాక్ చేశారు. ఈ సమయంలో అమ్మాయి ఏడుస్తూ కేకలు వేస్తూనే ఉంది.. అయితే ఆ చిన్నారిని కారు నుండి బయటకు తీయడానికి బదులుగా ఆ జంట చిన్నారి ఏడుస్తున్న వీడియోను రికార్డ్ చేస్తూనే ఉన్నారు. ఆడిటీ సెంట్రల్ అనే వెబ్‌సైట్ నివేదిక ప్రకారం మే చివరి నెలలో ఈ జంట తమ యూట్యూబ్ ఛానెల్‌లో ‘నా 2 ఏళ్ల కుమార్తె ప్రకాశవంతమైన సూర్యకాంతిలో కారులో లాక్ చేయబడింది’ అనే శీర్షికతో ఈ వీడియోను అప్‌లోడ్ చేశారు. వీడియోలో ఒక తండ్రి తన రెండేళ్ల కుమార్తె వీడియోను రికార్డ్ చేస్తున్నట్లు చూపబడింది. సుమారు 30 నిమిషాల పాటు బాలిక ఏడుపు వీడియోను రికార్డ్ చేసిన వ్యక్తి ఆపై సహాయం కోసం ఒకరిని పిలిచాడు.
సహాయం చేయడానికి బదులుగా వీడియోలు
తండ్రి తన 2 సంవత్సరాల కుమార్తె నానోకాను టయోటా కారులో వెనుక సీటులో కూర్చోబెట్టడానికి సిద్ధమవుతున్నట్లు ఈ వీడియో ప్రారంభమవుతుంది. ఇంతలో కారు లాక్ అయింది. అప్పుడు ఆ తండ్రి ఎవరి నుండి సహాయం కోరలేదు లేదా అత్యవసర సేవలకు కాల్ చేయలేదు. బదులుగా తండ్రి ఈ సంఘటనను వీడియో రికార్డ్ చేయడం ప్రారంభించాడు. ఆ రెండేళ్ళ పాప కారులోపల చెమటతో తడిసి ముద్దయిపోయి ఏడుస్తున్నప్పటికీ తండ్రి ఏమాత్రం జాలి కలగలేదు. సరికదా ఇదొక వినోదంగా చిత్రీకరించాడు.
ఆ వీడియో చూసి ఆగ్రహం వ్యక్తం చేసిన జనం
నివేదికల ప్రకారం సుమారు అరగంట పాటు వీడియో రికార్డ్ చేసిన తర్వాత.. తండ్రి తాళం తీసే వ్యక్తిని పిలిచాడు. అతను వచ్చి కారు డోర్ తెరిచి బాలికను బయటకు తీశాడు. ఈ వీడియోను తండ్రి సంతోషంగా తన యూట్యూబ్ ఛానెల్‌లో అప్‌లోడ్ చేశాడు, అయితే ప్రజలు అతనిని విమర్శించడం ప్రారంభించిన తర్వాత అతను వీడియోను తొలగించాడు. ఆ వ్యక్తిని ఎవరో పిచ్చి వాడు అని వ్యాఖ్యానించగా.. ప్రపంచంలో తమ పిల్లల ప్రాణాలను పణంగా పెట్టి డబ్బు సంపాదించే వారు చాలా మంది ఉన్నారు’ అని మరొకరు అన్నారు.
మరిన్ని ట్రెండింగ్ వార్తల కోసం ఇక్కడ క్లిక్ చేయండి..