Watch Viral Video: రూ. 101 కోట్లకు అధిపతి.. ఎలాంటి జీవితాన్ని గడుపుతున్నాడో తెలిస్తే అవాక్కే..!

Simple Old Man

ఓ వృద్ధుడు అర్ధనగ్నంగా ఇంటి ముందు తిరుగుతున్న వీడియో ఒకటి ఇప్పుడు వైరల్ అవుతోంది. ఈ వీడియో X (Twitter)లో దాదాపు 4 లక్షల మందికి పైగా వీక్షంచారు. వందల కొద్దీ కామెంట్లు కుమ్మరించారు. లైకులు, షేర్లు చేస్తూ వీడియోని మరింత వైరల్‌గా మార్చేశారు. వీడియోలు.. ఒక పెద్దాయన పెద్ద షార్ట్‌ వేసుకుని పైన ఎలాంటి షర్టు, టవల్‌ గానీ, లేకుండా అర్థనగ్నంగా ఉన్నాడు.. అతడు చూసేందుకు చాలా సింపుల్‌గా నవ్వుతూ కనిపిస్తున్న ఈ సీనియర్ సిటిజన్ సంపద ఎంతో తెలిస్తే మీరు షాక్ అవుతారు. అవును అతను వీడియోలో కనిపించినంత సదాసీదా వ్యక్తి కాదు.. తనేవరో తానే స్వయంగా చెబుతున్నాడు.. తన వద్ద రూ.101 కోట్ల విలువైన షేర్లు ఉన్నాయని ప్రకటించాడు.

వీడియోలో చూపిన విధంగా వృద్ధుడు తన ఇంటిముందు నిలబడి ఉండటం మనం చూడొచ్చు.. కొంకణి, కన్నడ మాట్లాడే అతని ఇల్లు కూడా చాలా పాతది. మోటైన, సాధారణమైనది. దాని ముందు అర్ధనగ్నంగా నడుచుకుంటూ వెళ్తున్న వీడియో ఇప్పుడు వైరల్ అవుతోంది. ఈ వీడియో X (ట్విట్టర్)లో దాదాపు 4 లక్షల వీక్షణలను పొందింది. వందలాది కామెంట్‌లకు దారితీసింది. ఈ సీనియర్ సిటిజన్‌ తమకు ఎల్ అండ్ టి, అల్ట్రాటెక్, కర్ణాటక బ్యాంక్ షేర్లు ఉన్నాయని పేర్కొన్నారు. ఇంతటి సంపద ఉన్నా, ఈ వృద్ధుడి సాదాసీదా ప్రవర్తన, సాదాసీదా జీవితమే నెటిజన్లను ఆశ్చర్యపోయేలా చేస్తుంది. అంతపెద్ద కోటీశ్వరుడు అయి ఉండి కూడా ఇంత సింపుల్‌గా ఎలా జీవించగలుగుతున్నారంటూ నెటిజన్లు అనేక ప్రశ్నలు వేస్తున్నారు.

ఈ వీడియోను ట్విట్టర్‌లో షేర్ చేసిన రాజీవ్ మెహతా వారి ఆస్తుల వివరాలను వెల్లడించారు.. రూ. 80 కోట్ల విలువైన ఎల్‌అండ్‌టీ షేర్లు, రూ. 21 కోట్ల విలువైన ఆల్టర్‌టెక్ సిమెంట్ షేర్లు, రూ. కోటి విలువైన కర్ణాటక బ్యాంక్ షేర్లు ఉన్నాయి. తాను ఇప్పటికీ సాదాసీదా జీవితాన్ని గడుపుతున్నానని రాశారు.

ఈ 3.5 కోట్ల షేర్ల నుండి ప్రతి సంవత్సరం రూ.6 లక్షల డివిడెండ్ ఆర్జించవచ్చని మరో వ్యాఖ్యాత చెప్పారు. సరిగ్గా ఉపయోగించకుంటే అంత డబ్బు ఉండడం పనికిరాదని మరో వినియోగదారు వాదించారు. డబ్బు ఇంధనం లాంటిది. ట్యాంక్‌లో చాలా ఉండి, దానిని ఉపయోగించకుండా ఉండటం వల్ల ప్రయోజనం ఏమిటి? సరళత మంచి విషయం. కానీ మీ డబ్బు ఖర్చు చేయలేకపోవడం వేరు. వాళ్లకు సరిపడా ఉన్నా, ఖర్చుపెట్టే అవకాశాన్ని సద్వినియోగం చేసుకోకపోవడం దురదృష్టం అని మరికొందరు నెటిజన్లు అంటున్నారు.

భయాందోళనలో తన షేర్లను విక్రయించనందుకు మరొక ట్విట్టర్ వినియోగదారు అతన్ని ప్రశంసించారు. “దీనిని సరళత శక్తి అని పిలవవచ్చు. భయాందోళనల సమయాల్లో భయాందోళనలను నివారించడం చాలా ముఖ్యం. పెట్టుబడికి సంబంధించిన అనేక అంశాలు సంపద సృష్టి నమూనాను మార్చగలవు. అతను ఎక్కడి నుండి వచ్చాడో, అతని పేరు ఏమిటో తెలియదు. అతను కొంకణి, కన్నడ మాట్లాడుతున్నాడు. కాబట్టి, అతను గోవా లేదా ఉత్తర కన్నడకు చెందినవాడని సమాచారం.

మరిన్ని ట్రెండింగ్ న్యూస్ కోసం క్లిక్ చేయండి..