Viral Video: గాల్లో ఢీకొన్న రెండు యుద్ధ విమానాలు… సోషల్‌ మీడియాలో వీడియోలు వైరల్‌

Fighter Jets Accident In Fr

ఫ్యాన్స్‌లో రెండు యుద్ధ విమానలు ఢీకొన్నాయి. ఆకాశంలోకి ఎగరగానే ఒకదానికొకటి తాకి కింద పడ్డాయి. శిక్షణ సందర్భంగా విన్యాసాలు నిర్వహిస్తుండగా ఈ దుర్ఘటన చోటు చేసుకుంది. అయతే పైలట్లు పారాచూట్ల సహాయంతో దూకేశారు. గాయపడిన వారు స్పృహతప్పినట్లు అధికారులు పేర్కొన్నారు. రెండు ఫైటర్‌ జెట్లు ఆకాశంలో ఢీకొన్న వీడియో క్లిప్‌ సోషల్‌ మీడియాలో వైరల్‌గా మారింది.

ఫ్రాన్స్‌లోని సెయింట్ డైజియర్‌కు పశ్చిమ ప్రాంతంలోని ఎయిర్‌ బేస్‌ సమీపంలో ఈ సంఘటన జరిగింది. రష్యాతో యుద్ధం నేపథ్యంలో ఉక్రేనియన్ పైలట్లకు ఫ్రాన్స్‌ శిక్షణ శిబిరం నిర్వహిస్తోంది. ఇందులో భాగంగా మార్చి 25న ఫ్రెంచ్ ఎయిర్ ఫోర్స్‌కు చెందిన ఆల్ఫా జెట్ విమానాలతో ట్రైనింగ్‌ కార్యక్రమం నిర్వహించారు. ఈ విన్యాసాల్లో ఆరు ఫైటర్‌ జెట్లు పాల్గొన్నాయి. గాలిలో విన్యాసాల సందర్భంగా రెండు జెట్‌ విమానాలు ఒకదానికొకటి ఢీకొన్నాయి. ఢీకొన్న రెండు విమానాలు ఆల్ఫా జెట్‌ రకానికి చెందినవిగా అధికారులు గుర్తించారు.

ఒక విమానం కూలిపోవడంతో భారీగా మంటలు ఎగసిపడ్డాయి. ఇద్దరు పైలట్లు, ఒక వ్యక్తి పారాచూట్ల సహాయంతో ఆ విమానం నుంచి బయటపడ్డారు. అయితే కిందపడిన వారు తీవ్రంగా గాయపడ్డారు. వారిని వెంటనే హాస్పిటల్‌కు తరలించారు. ఎలాంటి ప్రాణనష్టం జరుగలేదని తెలిపారు. ఈ సంఘటనపై ఉన్నతాధికరులు దర్యాప్తుకు ఆదేశించారు. మరోవైపు ఫైటర్‌ జెట్లు గాలిలో ఢీకొని కూలిపోతున్న వీడియో క్లిప్‌ సోషల్‌ మీడియాలో వైరల్‌ అవుతోంది.

వీడియో చూడండి: