Viral Video: ‘నాతో పెట్టుకుంటే గిట్లుంటదీ..’ బాలుడికి చుక్కలు చూపించిన గొర్రె.. చూస్తే నవ్వు ఆపుకోలేరు!

Sheep Attacks On Boy

కొన్నిసార్లు, సోషల్ మీడియాలో వీడియోలు ప్రజలను ఆశ్చర్యపరుస్తాయి. మరికొన్ని ఫన్నీ వీడియోలు నవ్వులు పూయిస్తాయి. అలాంటిదే.. ఒక వీడియో ప్రస్తుతం ఇంటర్నెట్‌లో హల్‌చల్ చేస్తోంది. దీనిని చూసిన నెటిజన్లు ఆశ్చర్యంతోపాటు నవ్వులు ఆపులేకపోతున్నారు. ఈ వీడియోలో ఒక గొర్రె – ఒక బాలుడి మధ్య జరిగిన ఆసక్తికర ఘటన. ఒక గొర్రె బాలుడిని వెంబడించింది. ప్రారంభంలో, బాలుడు తప్పించుకోవడానికి తన వంతు ప్రయత్నం చేశాడు. కానీ చివరికి, అతను అలసిపోయి, గొర్రెకు దొరికిపోయాడు. ఆ గొర్రె అతనిపై దిగ్భ్రాంతికరమైన పరిస్థితిలో దాడి చేసింది. అయితే వీరి మధ్య సాగిన తీరు నవ్వు పూయించింది.

ఈ వీడియో ఒక చిన్న కొండ ప్రాంతంలో రికార్డు చేశారు. అక్కడ ఒక గొర్రె ఒక బాలుడిని వెంబడించింది. ఆ బాలుడు, అతని ఇద్దరు స్నేహితులు ఒక చెట్టు వెనుక దాక్కున్నారు. కానీ గొర్రె ఒక బాలుడి వెంట మాత్రమే పడింది. బహుశా అది అతన్ని చాలా ఇబ్బంది పెట్టి ఉండవచ్చు. బాలుడు తప్పించుకోవడానికి పరిగెత్తుతూనే ఉన్నాడు. కానీ గొర్రె అతన్ని వదలలేదు. అప్పుడు, బాలుడు పరిగెత్తడంలో అలసిపోయాడు. అతను చివరికి నేల కూర్చుని ఉండిపోయాడు. అప్పుడే గొర్రెకు అవకాశం లభిస్తుంది. అది అతనిపై తీవ్రంగా దాడి చేసింది. తన కొమ్ములతో అతన్ని ఢీకొట్టింది. అయితే, వీడియో చిత్రీకరిస్తున్న వ్యక్తి, పరుగు పరుగున వెళ్లి, అతనికి సహాయం చేసి గొర్రెను శాంతింపజేశాడు.

ఈ ఫన్నీ వీడియోను సోషల్ మీడియా ప్లాట్‌ఫామ్ X (ట్విట్టర్)లో @VillageGuluva అనే ఐడీ షేర్ చేశారు. ‘ఈ అబ్బాయిపై నాకు చాలా కోపంగా ఉంది, అతను మనుగడ కోసం మొదటి నియమాన్ని ఉల్లంఘించాడు, అతను పరుగు ఆపకూడదు’ అని సరదాగా క్యాప్షన్ రాశారు. ఒక నిమిషం-ఆరు సెకన్ల ఉన్న ఈ వీడియోను 5,78,000 కంటే ఎక్కువ సార్లు వీక్షించారు. 4,000 కంటే ఎక్కువ మంది దీనిని లైక్ చేసి వివిధ రకాల అభిప్రాయాలను అందించారు. కొందరు, “అతని స్నేహితులు అతనికి ఎందుకు సహాయం చేయలేదు?” అని అడిగారు. మరికొందరు గొర్రెలు బాలుడిని ఎందుకు వెంబడిస్తున్నాయో తెలుసుకోవడానికి తీవ్రంగా ప్రయత్నిస్తున్నారు. మొత్తంమీద, ఈ వీడియో వినోదభరితంగా.. ఆశ్చర్యకరంగా ఉంది.

వీడియోను ఇక్కడ చూడండిః

మరిన్ని ట్రెండింగ్ వార్తల కోసం ఇక్కడ క్లిక్ చేయండి..