Viral Video: ఫ్లైట్ ఆలస్యమైందని.. ఎయిర్‌పోర్టులో ప్రయాణికులు ఏం చేశారంటే..

Garba At Goa Airport

సాధారణంగా విమానం ఆలస్యమైతే ప్రయాణికులు ఆగ్రహానికి లోనవుతారు. సదరు విమాన సంస్థ సిబ్బందిని ఏకిపడేస్తారు. కానీ అందుకు భిన్నంగా ఓ ఎయిర్‌పోర్ట్‌లో ఫ్లైట్ ఆలస్యంగా కారణంవగా వేచి ఉన్న.. ప్రయాణికులు గర్బా నృత్యంతో కాలక్షేపం చేసారు. ఈ ఆసక్తికర ఘటనకు సంబంధించిన వీడియో నెట్టింట వైరల్‌గా మారింది. పూర్తి వివరాల్లోకి వెళ్తే.. ఇండిగో ఎయిర్‌లైన్స్‌కు చెందిన ఒక ఫ్లైట్ గోవా నుంచి సూరత్‌కు వెళ్లాల్సి ఉంది. కానీ పైలట్ అస్వస్థతకు లోనవడంతో.. విమానం ఆలస్యమయిందని NDTV తెలిపింది. ఈ సమాచారం తెలుసుకున్న ప్రయాణికుడు మయూర్.. సూరత్‌లో జరిగే గర్బా ఫంక్షన్‌లో పాల్గొనలేనందుకు నిరుత్సాహాన్ని వ్యక్తం చేశా3డు. ఈ విషయాన్ని తెలుసుకున్న ఇండిగో సిబ్బంది అతడ్ని సముదాయించేందుకు తమదైన ప్రయత్నం చేశారు. ఎయిర్‌పోర్ట్‌లో స్పీకర్‌లు ఏర్పాటు చేసి.. అక్కడున్న ప్రయాణికులకు గర్బా ఆడేందుకు అవకాశాన్ని ఇచ్చారు. ప్యాసింజర్స్ మాత్రమే కాక, అక్కడి సిబ్బంది కూడా ఇందులో పాల్గొన్నారు.

సోషల్‌ మీడియాలో కొందరు ఈ వీడియోను పోస్ట్ చేసిన తర్వాత అది వైరల్‌గా మారింది. “విమాన ఆలస్యమైందని మొదట నిరుత్సాహంగా ఉన్నప్పటికీ, గర్బా నృత్యాన్ని ఆస్వాదించగలిగినందుకు ఇది మరచిపోలేని రోజు అయ్యింది” అని తెలిపారు. అయితే ప్రయాణీకుల రద్దీ ఉంటే ఎయిర్‌పోర్ట్‌లో ఈ తరహా వ్యవహారం కరెక్ట్ కాదని కొందరు తిట్టిపోస్తున్నారు.  ఈ వేడుకలు విమానాశ్రయ మర్యాదను దెబ్బతీశాయని ఆరోపిస్తున్నారు.