Viral: గోడ నుంచి ఏదో వింత శబ్దం.. బద్దలకొట్టి చూడగా బయటపడ్డ నిధి.. ఇంతకీ అదేంటంటే.?

సోషల్ మీడియాలో ఎన్నో రకాల వైరల్ వీడియోలు, ఫోటోలు తెగ చక్కర్లు కొడుతుంటాయి. వాటిల్లో కొన్ని చూడగానే మనకు ఆశ్చర్యం కలుగుతాయి. సరిగ్గా ఆ కోవకు చెందిన కొన్ని ఫోటోలు ఇంటర్నెట్‌లో వైరల్ అవుతున్నాయి. కాలిఫోర్నియాలో జరిగిన ఈ ఘటన.. ఓ వ్యక్తికి వింత అనుభవాన్ని ఎదురయ్యేలా చేసింది. తన ఇంటి గోడలో నిధి దొరికిందని అనుకున్న సదరు వ్యక్తి.. అదేంటో తెలిశాక దెబ్బకు షాకయ్యాడు.

కాలిఫోర్నియాలో నివాసముంటున్న ఓ వ్యక్తి.. తన ఇంటి గోడ నుంచి ఏదో అలికిడి వినిపించడంతో.. స్థానికంగా ఉన్న పెస్ట్ కంట్రోల్ ఉద్యోగికి ఫోన్ చేశాడు. ఆ ఉద్యోగి సదరు వ్యక్తి ఇంటికి చేరుకోగానే.. ఆ గోడకు ఓ రంధ్రం ఉందని చూసి బిత్తరపోతాడు. ఓ వండ్రంగి పిట్ట.. ఆ గోడను తన ఆహారాన్ని దాచుకునే స్థలంగా మార్చుకుందని తెలిసి ఆశ్చర్యపోతారు. ఆ గోడ నిండా కుప్పలు తెప్పలుగా చెస్ట్ నట్ పళ్లు ఉన్నాయి. ఇక ఆ మొత్తం పళ్ల బరువు తెలిస్తే షాక్ అవుతారు. అది ఏకంగా 317 కిలోల బరువు ఉంది. దీనికి సంబంధించిన అంశాన్ని సదరు వ్యక్తి ఫేస్‌బుక్ వేదికగా నెటిజన్లతో పంచుకున్నాడు. ఆ పోస్ట్ మీరూ చూసేయండి.