ఈ కోతి గారు చేసిన పని చూస్తే..మీరు కూడా శభాస్ అంటారు!

ఎవరైనా తింగరి పనులు చేసినప్పుడు కోతి చేష్టలు ఆపుతావా అని తిడుతూ ఉంటారు. కోతి అంటే కాస్త దుందుడుకు పనులు చేస్తూ ఉంటుంది కాబట్టి అలా అంటుంటారు. అయితే తాజాగా ఓ కోతి చేసిన పనిని చూస్తే మాత్రం..కనీసం ఆ కోతిని చూసైనా నేర్చుకోండి అని ఖచ్చితంగా అంటారు. ఇంతకీ ఆ వానరం అంతగొప్ప పని ఏం చేసిందనేగా మీ డౌబ్ట్. అక్కడికే వస్తున్నాం…

దాహంతో ఉన్న ఓ కోతి.. కుళాయి వద్దకు వచ్చి టాప్ తిప్పి కడుపునిండా నీళ్లు తాగి..మళ్లీ టాప్ ఆఫ్ చేసి తన మానాన తాను వెళ్లిపోయింది. ప్రస్తుతం ఈ విడియో సోషల్ మీడియాలో వైరల్ అవుతోంది. నీటి సమస్య విపరీతంగా వేధిస్తున్న ప్రస్తుత సమయంలో..నీటిని వృథా చేస్తున్నవారు ఆ కోతిని చూసైనా డిసిప్లేన్ నేర్చుకోవాలంటూ క్లాస్ పీకుతున్నారు.  దీన్ని ముందుగా భారత మాజీ ముఖ్య ఎన్నికల కమిషనర్ డాక్టర్ ఎస్.వై. ఖురైషి తన ట్విటర్ ఖాతాలో పోస్ట్ చేశారు. “ఇది మనుషులకు కనువిప్పు కలిగించే సందేశం” అంటూ ఓ క్యాప్షన్ కూడా జత చేశారు. ఆ తర్వాత సదరు పోస్ట్ వైరల్‌గా మారింది. ఎంతైనా ఈ వానరం చాలా గ్రేట్ అండోయ్.