Viral Video: పెళ్ళికి పిల్ల దొరకడం లేదని గేదెను పెళ్లి చేసుకున్న యువకుడు.. పెళ్లి కొడుక్కి షాక్ ఇచ్చిన గేదె.. ఫన్నీ వీడియో

Man Married A Buffalo

గత కొంతకాలంగా పెళ్లి చేసుకోవడానికి ఆడపిల్ల దొరకడం లేదని యువకుల రోదనలు ఎక్కువయ్యాయి. వివాహం చేసుకోవడానికి అమ్మాయి అందుబాటులో ఉండడం లేదని .. రోజు రోజుకీ అమ్మాయిలకు డిమాండ్ ఎక్కువ అవుతుందని చాలా మంది ఫన్నీ వీడియోలు చేసి సోషల్ మీడియాలో షేర్ చేస్తున్నారు. అదేవిధంగా ఇక్కడ ఓ యువకుడు కూడా తనకు పెళ్లి చేసుకునేందుకు అమ్మాయి దొరకకపోవడంతో ఏకంగా గేదెను పెళ్లి చేసుకున్నాడు. ఈ ఫన్నీ వీడియో ఇప్పుడు సోషల్ మీడియాలో వైరల్‌గా మారింది. ఈ ఫన్నీ సీన్‌ని చూసిన నెటిజన్లు నవ్వుకుంటున్నారు.

ఈ వీడియో X ఖాతాలో Monisingh9090లో షేర్ చేశారు. వైరల్ అయిన వీడియోలో ఒక యువకుడు గేదెను వివాహం చేసుకున్న హాస్య సన్నివేశాన్ని చూడవచ్చు. ముందుగా గేదెకు పూల మాల వేసి ఆ తర్వాత తన మెడలో కూడా పువ్వుల మాలను వేసుకున్నాడు. గేదె నుదిటిపై సింధురాన్ని పెట్టాడు. గేదెకు చున్నీతో కప్పాడు. తర్వాత ఒక స్త్రీ.. గేదెకు, ఆ యువకుడికి దిష్టి తీసింది. అనంతరం ఆ యువకుడు గేదెను ఎక్కి వెళ్ళాలని నిర్ణయించుకున్నాడు. కొంచెం దూరం ఆ యువకుడిని తీసుకుని వెళ్ళిన గేదె.. అతడిని కింద పడేసి పారిపోతుంది. గేదె మీద కూర్చున్న యువకుడు కిందపడిపోవడంతో కాలికి గాయమైంది.

ఆమె ప్రయాణం మధ్యలో మమ్మల్ని వదిలి పారిపోయింది

జూన్ 01న షేర్ చేసిన ఈ వీడియోకు 2 లక్షలకు పైగా వ్యూస్ వచ్చాయి, ఈ ఫన్నీ సీన్ చూసి నెటిజన్లు పగలబడి నవ్వుతున్నారు. రకరకాల కామెంట్స్ చేస్తున్నారు.

మరిన్ని ట్రెండింగ్ వీడియో వార్తల కోసం ఇక్కడ క్లిక్ చేయండి..