Watch: జంగిల్ సఫారీలో షాకింగ్ సీన్.. తల్లిదండ్రుల కళ్లముందే 13ఏళ్ల బాలుడిపై చిరుత దాడి..!
వేట స్వభావం కలిగిన జంతువులు ఎల్లప్పుడూ ప్రమాదకరమైనవే. వాటిలో చిరుతపులులు అతి ముఖ్యమైనవి. బిజిలైఫ్ స్టైల్ నుంచి కాస్త రిలాక్స్ కోసం జూకి వెళ్లిన ఓ ఫ్యామిలి ఊహించని షాక్ తినింది. బయోలాజికల్ పార్క్లో జంగిల్ సఫారీని ఆస్వాదించడానికి వెళ్ళిన ఒక కుటుంబం వారి 13 ఏళ్ల బాలుడిపై చిరుతపులి దాడి చేసింది.
రోజువారీ హడావిడి, అలసటను మరచిపోయి ప్రజలు జంగిల్ సఫారీని ఆస్వాదించడానికి వెళతారు. అటువంటి పరిస్థితిలో అక్కడ వారికి ఏదైనా ఇబ్బంది జరిగితే అది ప్రతిఒక్కరినీ బాధపెట్టేది అవుతుంది. ఇలాంటి షాకింగ్ ఘటన కర్ణాటకలో చోటుచేసుకుంది. బెంగళూరులో ఉన్న బన్నెర్ఘట్ట బయోలాజికల్ పార్క్ నుండి ఇలాంటి దృశ్యం వెలుగులోకి వచ్చింది. ఇది ప్రజలను ఆందోళనకు గురిచేస్తుంది. వాస్తవానికి ఒక కుటుంబం వారి 13 ఏళ్ల కొడుకుతో సఫారీని ఆస్వాదించడానికి ఇక్కడికి వచ్చింది. ఈ సమయంలో బాలుడు కిటికీ నుండి చిరుతపులిని చూస్తున్నాడు..
పర్యాటకులకు చిరుతపులిని చూపించడానికి డ్రైవర్ ముందుగా తన ముందున్న బొలెరోను నెమ్మదిగా నడుపుతున్నాడు.. కానీ, తరువాత అతను నెమ్మదిగా కారు వేగాన్ని పెంచడం ప్రారంభిస్తాడు. తరువాత చిరుతపులి కూడా అతనిని అనుసరించి కేవలం 4 సెకన్ల పాటు కారు కిటికీపై నిలబడి తన పంజాతో బాలుడిని కొట్టడం ప్రారంభిస్తుంది. చిరుతపులి దాడి చేయడాన్ని చూసి, డ్రైవర్ కారును దూరంగా నడిపిస్తాడు. చిరుతపులి కూడా కారు వెనుక పరుగెత్తడం ప్రారంభిస్తుంది. వెనుక కారులో కూర్చున్న వ్యక్తులు ఈ దృశ్యాన్ని తమ కెమెరాలో బంధించారు. దాదాపు 31 సెకన్ల ఈ ఫుటేజ్ దీనితో ముగుస్తుంది. కానీ ఈ దృశ్యాన్ని చూడటం అందరికీ గూస్బంప్స్ కలిగిస్తుంది.
చిరుతపులి కారు వెనుక పరిగెత్తడం ప్రారంభించి చివరకు అందులో ఉన్న బాలుడిపై దాడి చేస్తుంది. చిరుతపులి చాలా బలంగా పంజా విసరడంతో బాలుడు తీవ్రంగా గాయపడ్డాడు. హుటాహుటినా సమీపంలోని ఆసుపత్రికి తరలించి చికిత్స అందజేశారు. అదృష్టవశాత్తు చికిత్స అనంతరం బాలుడిని డిశ్చార్జ్ చేశారు డాక్టర్లు.
@karnatakaportf ఈ వీడియోను X లో పోస్ట్ చేసి ఇలా రాశారు. శుక్రవారం మధ్యాహ్నం బెంగళూరులోని బన్నెర్ఘట్ట బయోలాజికల్ పార్క్లో 13 ఏళ్ల బాలుడిపై చిరుతపులి దాడి చేసింది. ఆ బాలుడు తన తల్లిదండ్రులతో కలిసి సఫారీకి వెళ్లాడు. కారు డ్రైవర్ ఆ జంతువును సందర్శకులకు చూపించడానికి కారు ఆపినప్పుడు కారు కిటికీ నుండి చిరుతపులి బాలుడిపై దాడి చేసింది.
వీడియో ఇక్కడ చూడండి..
చిరుతపులి తన గోళ్లతో బాలుడిపై దాడి చేసి గాయపరిచింది. బాలుడికి స్థానిక ప్రైవేట్ ఆసుపత్రిలో చికిత్స అందించి, తరువాత డిశ్చార్జ్ చేశారు. ఈ సంఘటన మొత్తం ఒక పర్యాటకుడి మొబైల్ ఫోన్లో రికార్డైంది. దీనిలో చిరుతపులి కారుపైకి దూకి దాడి చేస్తున్నట్లు కనిపిస్తుంది .
.
ఈ పోస్ట్లో ఆ హ్యాండిల్ బాలుడికి తగిలిన గాయం ఫోటోను కూడా షేర్ చేశారు. దీనిలో చిరుతపులి చేతిపై గోళ్ల వల్ల ఏర్పడిన గాయం స్పష్టంగా కనిపిస్తుంది. వైరల్ వీడియోతో ఉన్న ఈ పోస్ట్కు ఇప్పటివరకు 2 లక్షల 30 వేలకు పైగా వీక్షణలు, 600 కి పైగా లైక్లు,పెద్ద సంఖ్యలో కామెంట్స్ కూడా వచ్చాయి.
మరిన్ని ట్రెండింగ్ న్యూస్ కోసం క్లిక్ చేయండి..