Video: 6 గంటలు రైలు టాయిలెట్లోనే ప్రయాణికుడు..! రైల్వే సిబ్బందికి అనుమానం వచ్చి..
రైలు టాయిలెట్లో ఆరు గంటల పాటు ఓ ప్రయాణికుడు గడిపిన ఘటనకు సంబంధించిన వీడియో వైరల్గా మారింది. తొలుత ఇరుక్కుపోయాడని భావించిన రైల్వే సిబ్బంది, తర్వాత అతడు ఉద్దేశపూర్వకంగానే లోపల ఉన్నాడని గుర్తించారు. అధికారులు బలవంతం చేయడంతో బయటకు వచ్చిన ప్రయాణికుడిని ప్రశ్నించారు.
అర్జెంట్ అయితే తప్ప చాలా మంది రైలు టాయిలెట్లోకి వెళ్లరు. అది శుభ్రంగా ఉండకపోవడం, భరించలేని వాసన రావడం వంటి కారణాలతో అందులో కొన్ని నిమిషాలు ఉండటం కూడా గొప్పే. అలాంటిది ఓ ప్రయాణికుడు రైలు టాయిలెట్లో ఏకంగా ఆరు గంటల పాటు ఉన్నాడు. వినడానికి ఆశ్చర్యంగా ఉన్నా.. ఇది జరిగింది. అందుకు సంబంధించిన వీడియో కూడా వైరల్గా మారింది.
r/IndianRailways లోని ఒక రెడ్డిట్ యూజర్ ఈ వీడియోను షేర్ చేశారు. దీనిలో ఒక ప్రయాణీకుడు ఆరు గంటల పాటు టాయిలెట్ లోపల ఉండగా, ఒక రైల్వే సిబ్బంది జామ్ అయిన తలుపును పగలగొట్టడానికి ప్రయత్నిస్తున్నట్లు కనిపిస్తుంది. లోపల ఒక ప్రయాణీకుడు ఉన్నాడు, అతను చాలా సేపు టాయిలెట్ లోపల ఇరుక్కుపోయాడు. మేము తలుపు తెరవడానికి ప్రయత్నిస్తున్నాము అని ఒక సిబ్బంది అధికారిక హోదాలో చెప్పడం వీడియోలో చూడవచ్చు. కానీ చివరికి ఆ వ్యక్తి ఉద్దేశపూర్వకంగా అందులో ఉన్నాడని గ్రహించిన అధికారులు, అతన్ని స్వయంగా తలుపు తెరవమని బలవంతం చేయడం చూడవచ్చు.
కొంత సేపటి తర్వాత అధికారుల బలవంతంపై ప్రయాణీకుడు టాయిలెట్ తలుపు తెరిచి బయటకు వస్తాడు, అక్కడ సిబ్బంది అతని ఫోటోలు తీస్తూ ప్రశ్నిస్తున్నారు. ఈ వీడియో వైరల్ కావడంతో ప్రయాణికులు చాలా తెలివైన TCని తప్పించుకోవడానికి ఈ ట్రిక్ రూపొందించి ఉంటారని నెటిజన్లు సరదాగా కామెంట్ చేస్తున్నారు. మరొకరు ఆ ప్రయాణికుడు తాగి టాయిలెట్లో నిద్రపోయి ఉంటాడని అన్నారు. ఇంతకీ అతను అంతసేపు లోపల ఎందుకున్నాడో మాత్రం తెలియలేదు.
Passenger stuck inside toilet for more than 6 hours.
byu/Omarr_Paper inindianrailways
మరిన్ని ట్రెండింగ్ వార్తల కోసం ఇక్కడ క్లిక్ చేయండి