Viral Video: పెళ్లి వేదికపై వధువును చూసి ఫిదా అయిపోయిన వరుడు.. గుండెపై చేయి వేసి అలా పడిపోయాడు.. ఫన్నీ వీడియో..
Viral Video: వివాహం ప్రతీ ఒక్కరి జీవితంలో ఎంతో మధురమైన క్షణం. ప్రతీ ఒక్కరూ తమ వివాహాన్ని ఒక అద్భుతమైన జ్ఞాపకంగా నిలిచేలా..
Updated on: Jul 15, 2021 | 10:02 PM
Viral Video: వివాహం ప్రతీ ఒక్కరి జీవితంలో ఎంతో మధురమైన క్షణం. ప్రతీ ఒక్కరూ తమ వివాహాన్ని ఒక అద్భుతమైన జ్ఞాపకంగా నిలిచేలా.. విభిన్నంగా జరుపుకునేందుకు ప్రయత్నిస్తుంటారు. అందులో భాగంగా తమ తమ స్థాయిలను బట్టి వివాహాన్ని ఘనంగా జరుపుకోవడానికి ప్రయత్నిస్తుంటారు. తాజాగా ఈ వివాహ వేడుకకు సంబంధించిన వీడియో సోషల్ మీడియాలో ట్రెండీగా మారింది. సాధారణంగా పెళ్లంటే పెళ్లి కూతురు, పెళ్లి కొడుకు ఓ రేంజ్‌లో ముస్తాబై వస్తారు. కళ్లు చెదిరే దుస్తులుతో.. మహారాణిలా వధువు పెళ్లి పీఠటలపైకి అడుగు పెడితే.. మహారాజులగా వరుడు అడుగు పెడతాడు. తాజా వీడియోలోనూ వధు, వరులు అంతే రేంజ్‌లో ముస్తాబయ్యారు. వధు,వరులు ఇద్దరూ పెళ్లి వేదికపైకి వస్తారు.
వధువు అలా వేదికపైకి రాగానే.. వరుడు ఆమెను అలా చూస్తుండిపోయాడు. ఆమె అందానికి ఫిదా అయిపోయాడు. వధువును చూసి మైమరిచిపోయిన వరుడు.. అలా గుండెలపై చేయి వేసుకుని నేలకు వాలిపోతాడు. అయితే, పక్కనే ఉన్న మరో వ్యక్తి.. ఆ వరుడిని పట్టుకుంటాడు. వరుడు ఎక్స్‌ప్రెషన్స్‌ను చూసి వధువు ముసిముసి నవ్వులు నవ్వుతోంది. అతని చర్యతో మురిసిపోయిన వధువు.. సిగ్గుతో తలను పక్కకు తిప్పుకుంటుంది. చిరునవ్వులు చిందిస్తుంటుంది. కాగా, వధువును చూసి వరుదు అలా పడిపోతున్న సమయంలో బాలీవుడ్ బాద్‌షా నటించిన ‘మెయిన్ హూ నా’ సినిమాలోని ‘తుమ్‌సే మిల్‌కె దిల్ హ హాల్’ పాట ప్లే సెట్ చేశారు. ఈ పాట ఈవీడియోనె నెక్ట్స్‌ లెవల్‌కి తీసుకెళ్లిందనే చెప్పాలి.
ఈ అందమైన జంటకు సంబంధించిన అద్భుతమైన సీన్‌ అంతా వీడియోలో రికార్డ్ అవ్వగా.. ఆ వీడియోను ‘దుల్హానియా’ అనే ఇన్‌స్టాగ్రమ్ పేజీలో షేర్ చేశారు. ఈ వీడియోను చూసి నెటిజన్లు సైతం ఫిదా అయిపోతున్నారు. చూడ ముచ్చటా ఈ జంటకు ఫిదా అయిపోతున్నారు. ముఖ్యంగా వరుడు ఫిదా అవడం.. వధువు సిగ్గుపడుతూ ముసిముసి నవ్వులు నవ్వడం అందరినీ ఎంతగానో ఆకట్టుకుంది. రెండు రోజుల క్రితమే ఈ వీడియోను ఇన్‌స్టాగ్రమ్‌లో షేర్ చేశారు. ప్రస్తుతం ఈ వీడియోను సోషల్ మీడియాలో ట్రెండింగ్‌గా మారింది. ఇప్పటి వరకు దీనిని 15 వేల మందికిపైగా చూశారు. మరి ఈ బ్యూటీఫుల్ కపుల్‌కి సంబంధించిన ఫన్నీ వీడియోను మీరూ చూసేయండి.
Viral Video:
View this post on Instagram
Also read:
Viral Video: బాప్ రే.. ఇంత పెద్ద లాలీపాప్‌ని ఎప్పుడైనా చూశారా?.. అసలెలా తయారు చేశారంటే..!
