Viral: ఓ అమ్మాయి, నలుగురు యువకులు.. సీన్ కట్ చేస్తే.. అసలు మ్యాటర్ ఇదే
రోడ్డు మీద నలుగురు అబ్బాయిలు పొట్టు పొట్టుగా కొట్టుకుంటున్నారు. పైగా పక్కనే ఓ అమ్మాయి ఉంది. అరుస్తూ.. ఈ గొడవను అడ్డుకునే ప్రయత్నం చేస్తోంది. మరి ఇంతకీ అసలు గొడవ ఎందుకు జరిగింది.? అసలు కారణం ఏంటి.? ఇప్పుడు తెలుసుకుందామా మరి.
కొందరు యువకులు పెద్దమొత్తం కలిసి ఒక యువకుడిని టార్గెట్గా చేసుకుని తీవ్రస్థాయిలో దాడి చేస్తున్న ఘటన సోషల్ మీడియాలో తెగ వైరల్ అవుతోంది. అది కూడా ఒక అమ్మాయి కోసం జరిగిన దాడిగా తెలుస్తోంది. ఉత్తరప్రదేశ్ రాష్ట్రంలో నోయిడాలో జరిగిన ఈ ఘటన స్థానికంగా కూడా కలకలం రేపింది. సుమారు 39 సెకన్ల పాటు దాడికి సంబంధించిన వీడియో ప్రస్తుతం సోషల్ మీడియాలో వైరల్గా మారింది.
వైరల్ అవుతున్న ఈ వీడియోలో ఒక యువకుడిని కొంతమంది యువకులు తీవ్రంగా కొడుతూ కనిపించారు. ఈ సంఘటన నోయిడా సెక్టార్ 49 పోలీస్ స్టేషన్ పరిధిలోని సెక్టార్ 50లో చోటుచేసుకుంది. బాధిత యువకుడి స్నేహితురాలికి సంబంధించిన ఏదో విషయంలో ఈ దాడి జరిగినట్లు అక్కడివారు చెబుతున్నారు. పైగా ఆ అమ్మాయి కూడా ఘటనా స్థలంలోనే ఉన్నట్లు వీడియో ద్వారా తెలుస్తోంది. ఆ అమ్మాయి కేంద్రంగా జరిగిన ఈ వివాదం కాస్తా హింసాత్మక ఘటనగా మారింది. నడిరోడ్డుపై ఆ యువకులు బూతులు తిడుతూ, ఇష్టారీతిన దాడి చేస్తూ ఒక యువకుడిని టార్గెట్ చేసుకుని రెచ్చిపోయారు.
వారి దాడులకు ఆ యువకుడు ఏమీ చేయలేని స్థితిలో ఉండిపోగా.. పక్కనే ఉన్న అమ్మాయి ఆపే ప్రయత్నం చేసింది. ఒక్కడిని చేసి చితకబాదడం చూసి ఆ అమ్మాయి వారిని నిలువరిస్తున్నా ఉపయోగం లేకుండా పోయింది. ఈ క్రమంలోనే కోపంతో ఆ అమ్మాయి వారి దాడి నుంచి ఆ యువకుడిని కాపాడే ప్రయత్నాలు చేసింది. ఆపై అక్కడే ఉన్న కొంతమంది సెక్యూరిటీ గార్డులు ఈ విషయంలో జోక్యం చేసుకుని గొడవ సద్దుమణిగేలా ప్రయత్నాలు చేశారు. అనంతరం దాడి చేసిన యువకులు అక్కడి నుంచి పరారయ్యారు.
స్థానిక పోలీసులు ఈ విషయంలో కలగజేసుకుని ఘటనకు సంబంధించి దర్యాప్తు చేపట్టారు. పోలీసులు తెలిపిన వివరాల ప్రకారం.. రెండు వర్గాలకు చెందిన స్నేహితుల మధ్య ఈ గొడవ జరిగినట్లు తెలుస్తోంది. ఓ అమ్మాయి విషయంలో ఇరు వర్గాలకు వచ్చిన బేదాభిప్రాయాల కారణంగానే గొడవ జరిగినట్లు సమాచారం. కానీ, దీనిపై పోలీసులు పూర్తి స్థాయిలో విచారణ చేపడుతున్నారు. కాగా, ఈ ఘటనకు సంబంధించిన వీడియో ప్రస్తుతం సోషల్ మీడియాలో విపరీతంగా వైరల్ అవుతోంది.
మరిన్ని ట్రెండింగ్ వార్తల కోసం ఇక్కడ క్లిక్ చేయండి..