కాబోయే భార్యకు 50 గదుల కోట, కోట్ల ఆస్తి ఫ్రీ.. కానీ ఓ కండిషన్..! ఈ ముసలోడు మాములోడు కాదయ్యో..!
Billionaire Seeking Wife: డబ్బు, హోదా, రాజభవనాలు ఎన్ని ఉన్నా జీవిత చరమాంకంలో ఒక తోడు, తమ వంశాన్ని నిలబెట్టే వారసుడు కావాలనే సర్ బెంజమిన్ స్లేడ్ ఆరాటం చూస్తుంటే మానవ సంబంధాల అవసరం ఎలాంటివారికైనా తప్పదనిపిస్తోంది. మరి ఈ 79 ఏళ్ల బ్రిటిష్ సంపన్నుడి కల నెరవేరి, ఆయన కోరుకున్న రాజకుమారి దొరుకుతుందో లేదో కాలమే సమాధానం చెప్పాలి.
Updated on: Jun 09, 2026 | 1:56 PM
Sir Benjamin Slade Age Gap Relationship: వయసు కేవలం ఒక అంకె మాత్రమేనని చాలామంది అంటుంటారు. కానీ బ్రిటన్కు చెందిన సెంచరీకి దగ్గరవుతోన్న వృద్ధుడికి ఇప్పుడు జీవిత భాగస్వామి అవసరం పడింది. 79 ఏళ్ల వయసులో ఆయన ఒక యువతి కోసం వెతుకుతున్నారు. తనను పెళ్లాడే అమ్మాయికి కోట్లాది రూపాయల ఆస్తితో పాటు లగ్జరీ జీవితాన్ని ఇస్తానని బంపర్ ఆఫర్ ప్రకటించిన ఈ కథనం ప్రస్తుతం ప్రపంచవ్యాప్తంగా తెగ వైరల్ అవుతోంది.
ఎవరీ సర్ బెంజమిన్ స్లేడ్..?
బ్రిటన్లో అత్యంత సంపన్నుడు, ఆ దేశ ప్రముఖ వ్యాపారవేత్త అయిన సర్ బెంజమిన్ స్లేడ్ ప్రస్తుతం వార్తల్లో నిలిచారు. బ్రిటన్లోని సోమర్సెట్లో ఉన్న శతాబ్దాల నాటి చారిత్రాత్మక, అత్యంత అందమైన ‘మాన్సెల్ హౌస్’ (Maunsel House)కు ఆయనే వారసుడు, యజమాని. ఈ అద్భుతమైన రాజభవనంలో 50 గదులు, విశాలమైన తోటలు, రాజసం ఉట్టిపడే విలాసవంతమైన ఏర్పాట్లు ఉన్నాయి. ప్రస్తుతం బెంజమిన్ వయసు 80 ఏళ్లకు చేరువలో ఉండటంతో, తన తర్వాత ఈ భారీ సామ్రాజ్యాన్ని, ఆస్తులను ఎవరు చూసుకుంటారనే ఆందోళన ఆయనను వెంటాడుతోంది. అందుకే తన వంశాన్ని ముందుకు తీసుకెళ్లే ఒక యువతిని వివాహం చేసుకోవాలని ఆయన గట్టిగా నిర్ణయించుకున్నారు.
కాబోయే మహారాణికి దక్కే నజరానాలు ఇవే..!
తనకు కాబోయే భార్యను ఆకట్టుకోవడానికి ఈ బ్రిటిష్ కోటీశ్వరుడు ఆఫర్ల వర్షం కురిపించారు. తనను పెళ్లి చేసుకునే మహిళకు 50 గదుల లగ్జరీ కోటలో రాణిలా బతికే అవకాశం లభిస్తుందని ప్రకటించారు. అంతేకాకుండా, ప్రతి సంవత్సరం వ్యక్తిగత ఖర్చుల కోసం కోట్లాది రూపాయల పాకెట్ మనీ, ప్రపంచంలోనే అత్యంత ఖరీదైన లగ్జరీ కార్లు, పూర్తి స్థాయి భద్రతతో కూడిన వీఐపీ జీవనశైలిని అందిస్తానని హామీ ఇచ్చారు.
టీవీల నుంచి డేటింగ్ యాప్ల వరకు.. ఎక్కడా తగ్గలేదు!
తనకు తగ్గ పర్ఫెక్ట్ లైఫ్ పార్ట్నర్ను వెతకడంలో బెంజమిన్ ఏమాత్రం వెనకడుగు వేయడం లేదు. ఇందుకోసం ఆయన పలు డేటింగ్ వెబ్సైట్లలో తన ప్రొఫైల్ను క్రియేట్ చేసుకున్నారు. పెద్ద పెద్ద వార్తాపత్రికల్లో ప్రకటనలు ఇవ్వడమే కాకుండా, స్వయంగా టీవీ షోలలోకి వచ్చి కూడా తన కోరికను వెల్లడించారు. అయితే, అనుకున్నంత సులభంగా ఈ అన్వేషణ సాగడం లేదని ఆయన అంగీకరిస్తున్నారు. ఇప్పటివరకు ఎంతోమంది అమ్మాయిల నుంచి ప్రపోజల్స్ వచ్చినప్పటికీ, ఆయన ప్రతి అడుగు చాలా జాగ్రత్తగా వేస్తున్నారు. కేవలం తన డబ్బు చూసి వచ్చేవాళ్లు కాకుండా, జీవితాంతం బంధాన్ని నిలబెట్టుకునే నిజమైన తోడు కావాలని ఆయన కోరుకుంటున్నారు.
నెట్టింట హాట్ టాపిక్గా మారిన ముసలి పెళ్లికొడుకు ముచ్చట..
View this post on Instagram
ఈ విచిత్రమైన వార్త సామాజిక మాధ్యమాల్లో వైరల్గా మారడంతో నెటిజన్లు రకరకాలుగా స్పందిస్తున్నారు. ఇంతటి వయసు వ్యత్యాసం ఉన్న పెళ్లి బంధంపై పెద్ద ఎత్తున చర్చ నడుస్తోంది. కొందరు దీనిని “వృద్ధాప్యంలో ఒంటరితనం తెచ్చిన తిప్పలు” అని కామెంట్ చేస్తుంటే, మరికొందరు “డబ్బు ఉంటే ఏదైనా సాధ్యమే అనే అహంకారం” అని పెదవి విరుస్తున్నారు. అయితే, అంత పెద్ద సామ్రాజ్యానికి వారసుడు కావాలనుకోవడంలో తప్పులేదని మరికొందరు సమర్థిస్తున్నారు.
మరిన్ని ట్రెండింగ్ కథనాల కోసం ఇక్కడ క్లిక్ చేయండి..
