నీటి కొరతకు వినూత్న ఆలోచన.. ఇంట్రెస్టింగ్‌ వీడియో షేర్‌ చేసిన ఆనంద్‌ మహీంద్ర
ప్రస్తుతం బెంగళూరులో నీటి ఎద్దడి ఎలా ఉందో ప్రత్యేకంగా చెప్పాల్సిన పనిలేదు. నీటి కొరతకు సంబంధించిన వార్తుల, వీడియోలు నెట్టింట తెగ చక్కర్లు కొడుతున్నాయి. ఈ నేపథ్యంలో నీటిని పొదుపుగా ఎలా వాడుకోవాలన్న దానిపై చర్చ మొదలైంది. దీంతో నీటిని ఎలా సేవ్‌ చేసుకోవాలన్న దానిపై ప్రజలకు అవగాహన కల్పిస్తూ రూపొందించిన ఓ వీడియోను..
మహీంద్రా గ్రూప్స్‌ ఛైర్మన్ ఆనంద్‌ మహీంద్ర గురించి ప్రత్యేకంగా పరిచయం చేయాల్సిన పనిలేదు. సోషల్‌ మీడియా గురించి అవగాహన ఉన్న ప్రతీ ఒక్కరికీ ఈ పేరు సుపరిచతమే ఉంటుంది. నిత్యం సోషల్‌ మీడియాలో యాక్టివ్‌గా ఉంటూ సమాజంలో జరిగే అంశాల గురించి స్పందించే ఆనంద్‌ మహీంద్ర తాజాగా పోస్ట్ చేసిన ఓ వీడియో నెట్టింట వైరల్ అవుతోంది.
ప్రస్తుతం బెంగళూరులో నీటి ఎద్దడి ఎలా ఉందో ప్రత్యేకంగా చెప్పాల్సిన పనిలేదు. నీటి కొరతకు సంబంధించిన వార్తుల, వీడియోలు నెట్టింట తెగ చక్కర్లు కొడుతున్నాయి. ఈ నేపథ్యంలో నీటిని పొదుపుగా ఎలా వాడుకోవాలన్న దానిపై చర్చ మొదలైంది. దీంతో నీటిని ఎలా సేవ్‌ చేసుకోవాలన్న దానిపై ప్రజలకు అవగాహన కల్పిస్తూ రూపొందించిన ఓ వీడియోను ఆనంద్‌ మహీంద్ర షేర్‌ చేశారు. ఇంతకీ ఏంటా వీడియో.? అందులో ఏముంది.? ఇప్పుడు తెలుసుకుందాం..
వేసవిలో ఏసీలను వినియోగించడం సర్వసాధారణమైన విషయం. అయితే ఏసీల నుంచి బయటకు వచ్చే నీరు వృథాగా పోతుతుంది. అయితే సరిగ్గా వాడుకోవాలనే కానీ ఈ నీటిని కూడా సద్వినియోగం చేసుకోవచ్చని నిరూపిస్తోంది ఈ వీడియో. ఏసీ యూనిట్ నుంచి బయటకు వచ్చే నీరంతా ఓ పైప్‌లోకి నిండేలా ఏర్పాటు చేశారు. దాని చివరి భాగంలో ఓ చిన్న ట్యాప్ బిగించారు. దీనికి సంబంధించిన వీడియోను షేర్‌ చేసిన ఆనంద్‌ మహీంద్ర.. ‘ఇండియాలో ఏసీ ఉపయోగిస్తున్న ప్రతీచోట ఇలాంటి ఏర్పాట్లు కచ్చితంగా చేయాలి. నీరు ఎంతో విలువైంది. దీనిని జాగ్రత్తగా స్టోర్‌ చేయాలి’ అంటూ రాసుకొచ్చారు.
ప్రస్తుతం ఈ వీడియో సోషల్‌ మీడియాలో తెగ వైరల్ అవుతోంది. ఈ వీడియో చూసిన నెటిజన్లు ఫిదా అవుతున్నారు. నీటి కొరతకు చెక్‌ పెట్టేందుకు ఇది కూడా ఒక మంచి ఐడియా అని కామెంట్స్‌ చేస్తున్నారు. ఈ నీటిని గార్డెనింగ్‌తో పాటు ఇతర వాషింగ్‌ అవసరాలకు ఉపయోగించుకోవచ్చని నెటిజన్లు అభిప్రాయపడుతున్నారు.
మరిన్ని ట్రెండింగ్ ఆర్టికల్స్ కోసం క్లిక్ చేయండి..