Viral Video: వీధి కుక్కపై యువకుల పైశాచికం.. ఏం చేసారో మీరే చూడండి…!!

Dog Throw

సమాజం ఆధునిక పోకడలు పోతోంది. కానీ, మనుషుల ఆలోచనలు మాత్రం వికృత పోకడలు తొక్కుతున్నాయి. జంతువుల పై కొందరు ప్రవర్తిస్తున్న తీరు అమానుషంగా ఉంటున్నాయి. ఇటీవల ఈ వికృత పోకడ మరింత ఎక్కువైంది. గతంలో చెన్నైకి చెందిన ఒక వ్యక్తి వీధి కుక్కను ఒక ఎత్తైన భవనం నుంచి తోసేసి దాన్ని సోషల్ మీడియా లో పోస్ట్ చేసి నెటిజన్లతో చీవాట్లు తిన్నాడు. చివరకు పోలీసులు కేసు నమోదు చేయటంతో జైలు ఉచలు లెక్కపెట్లాల్సిన పరిస్థితిని తెచ్చుకున్నాడు. అయితే ఈ ఘటన అప్పట్లో తీవ్ర దుమారం రేపింది. ఇప్పుడు కూడా అలాంటి ఘటనే వెలుగులోకి వచ్చింది. ఇద్దరు యువకులు ఒక వీధి కుక్కపట్ల పైశాచికంగా ప్రవర్తించారు. ఈ వీడియో నెట్టింట వైరల్‌ అవుతుంది.

ఇద్దరు యువకులు వీధికుక్కను ఎత్తైన భవనం నుండి విసిరిన వీడియో సోషల్ మీడియాలో వైరల్ అవుతోంది. ఈ వీడియో గుజరాత్‌లోని వడోదర గ్రామంలోని సైలీ ప్రాంతానికి చెందినదిగా తెలిసింది. వీడియో వైరల్ కావడంతో జంతు ప్రేమికులు ఈ ఇద్దరిపై కేసు నమోదు చేయాలని డిమాండ్ చేశారు.. ఈ దారుణమైన వీడియో చూసిన నెటిజన్లు ఆగ్రహం వ్యక్తం చేస్తున్నారు. ఎట్టకేలకు వీడియో స్థానిక పోలీసులకు చేరటంతో వారిపై ఎఫ్‌ఐఆర్‌ నమోదు చేశారు.

వైరల్ అవుతున్న ఈ వీడియోపై పలువురు ఆగ్రహం వ్యక్తం చేస్తున్నారు. ఇద్దరు యువకులు నోరులేని మూగజీవిని హింసించి, అమానవీయంగా ప్రవర్తించారని, వీరిని వెంటనే గుర్తించి అదుపులోకి తీసుకోవాలని నెటిజన్లు డిమాండ్‌ చేశారు. వారిపై తగిన చర్యలు తీసుకునేందుకు పోలీసు విచారణ కొనసాగుతోంది.

మరిన్ని ట్రెండింగ్ న్యూస్ కోసం క్లిక్ చేయండి..