Snake Farming: ఓరి దేవుడో..! వ్యవసాయం కాదు.. పాముల పెంపకంతో కోట్లు సంపాదిస్తున్న రైతులు.. ఎక్కడంటే.?
సాధారణంగా ఏదైనా గ్రామం పేరు వినగానే మనకు పచ్చని పొలాలు, పంటచేలు, పాడి పశువులు గుర్తుకు వస్తాయి. కానీ, ఈ ప్రపంచంలో ఒక వింత గ్రామం ఉంది. ఇక్కడి రైతులు చేసే వ్యవస్థాయం తెలిస్తే షాక్ తింటారు. ఎందుకంటే.. ఇక్కడి రైతులు పండించేవి కూరగాయలు, పండ్లు, పూలు, ధాన్యాలు కాదు, విషపూరిత పాములను పెంపకం చేస్తున్నారు. అవును, అక్కడి ప్రజలు తమ జీవనోపాధి కోసం పాములను పెంచడం ద్వారా లక్షలు, కోట్లాది రూపాయలు సంపాదిస్తున్నారు. ఇలాంటి గ్రామం గురించి మీరు ఎప్పుడైనా చూశారా..? కనీసం విన్నారా.? ఆ ఊళ్లో అడుగు పెట్టారంటే మనకు వెన్నులో వణుకు పుడుతుంది. ఇదేదో సినిమా కథ కాదు, వాస్తవం. పూర్తి డిటెల్స్ ఇక్కడ చూద్దాం..
Updated on: Mar 09, 2026 | 3:04 PM
ప్రపంచంలో ఒక అరుదైన గ్రామం ఉంది. అక్కడ ప్రజలు తమ జీవనోపాధి కోసం పాములను పెంచుతారు. వాటితోనే లక్షలాది, కోట్లాది రూపాయలు సంపాదిస్తారు. ఈ ప్రదేశాన్ని జిసికియావో గ్రామం అని పిలుస్తారు. అదే పాముల గ్రామం అని కూడా పిలుస్తారు. ఇది చైనాలోని ఒక చిన్న గ్రామం. అక్కడి ప్రజలు మరణంతో ఆడుకుంటూ డబ్బు సంపాదిస్తున్నారు. ఇక్కడి వీధులు ట్రాక్టర్ల శబ్దంతో కాదు, వేలకొద్దీ పాముల బుసలు శబ్దంతో నిండి ఉంటాయి. ఈ స్నేక్ విలేజ్ గురించి భయంకరమైన, మనోహరమైన వాస్తవలేంటో తెలుసుకుందాం.
చైనాలోని జియాంగ్సు ప్రావిన్స్లోని జీసికియావో గ్రామం ప్రపంచవ్యాప్తంగా ఆసక్తిని రేకెత్తించే అంశంగా మారింది. కేవలం 1,000 జనాభా ఉన్న ఈ చిన్న గ్రామం వ్యవసాయానికి కాదు, పాముల పెంపకానికి ప్రసిద్ధి చెందింది. ఇక్కడ దాదాపు ప్రతి కుటుంబం పాముల పెంపకం వ్యాపారంలో బిజీగా ఉంటుంటారు. దీని వలన ఈ గ్రామానికి స్నేక్ విలేజ్ అనే మారుపేరు వచ్చింది. స్థానిక మీడియా నివేదికల ప్రకారం, ఇక్కడి ప్రతి బిడ్డ పాములతోనే కలిసి పెరుగుతాడు. నేడు ఈ గ్రామం చైనాలోనే కాకుండా అంతర్జాతీయంగా పాములు, సంబంధిత ఉత్పత్తుల సరఫరాకు అతిపెద్ద కేంద్రంగా మారింది.
ఒక అభిరుచితో మొదలైన ప్రయాణం వ్యాపారంగా మారింది. జిజికియావో గ్రామంలో పాముల పెంపకం అకస్మాత్తుగా ప్రారంభం కాలేదు. దీని మూలాలు 1980లలో ఉన్నాయి. కొంతమంది గ్రామస్తులు పాములను ఒక అభిరుచిగా పెంచడం ప్రారంభించారు. ప్రారంభంలో ఇది ఒక చిన్న ప్రయోగం. కానీ, అంతర్జాతీయ మార్కెట్లో పాము విషం, చర్మాలకు ఉన్న భారీ డిమాండ్ను గ్రహించిన గ్రామస్తులు దాన్ని ఒక వ్యాపారం, సాగు విధానంగా అలవాటు చేసుకున్నారు. అలా మొత్తం గ్రామం అతి త్వరలోనే ఈ వ్యాపారంలోకి దూసుకెళ్లింది. నేడు దాదాపు నాలుగు దశాబ్దాల తర్వాత ఈ వృత్తి తరాల తరబడి సంప్రదాయంగా మారింది. గ్రామ ఆర్థిక పరిస్థితిని మార్చివేసింది.
విషం, చర్మాన్ని అమ్మడం ద్వారా కోట్ల రూపాయలు సంపాదిస్తున్నారు. ఈ గ్రామం వాస్తవికత ఆశ్చర్యకరంగా ఉంటుంది. ఒక నివేదిక ప్రకారం, ప్రతి సంవత్సరం జిక్సికియావోలో 3 మిలియన్లకు పైగా పాములను పెంచుతారు. వీటిలో కింగ్ కోబ్రాస్, వైపర్స్, ఎలుక పాములు వంటి అత్యంత విషపూరితమైన పాములు ఉన్నాయి. ఈ పాముల నుండి విలువైన విషాన్ని తీస్తారు. వాటి చర్మాలను విలాసవంతమైన వస్తువులను తయారు చేయడానికి ఉపయోగిస్తారు. ఈ ప్రమాదకరమైన వ్యాపారం నుండి అనేక కుటుంబాలు ఏటా మిలియన్ల యువాన్లు (లేదా భారతీయ కరెన్సీలో కోట్ల రూపాయలు) సంపాదిస్తాయి. ఇక్కడి పాములను నేరుగా ప్రధాన హోటళ్ళు, ఔషధ కంపెనీలు, పరిశోధనా సంస్థలకు అధిక ధరలకు అమ్ముతారు.
ఈ వ్యాపారం ప్రభుత్వ శిక్షణ, లైసెన్స్తో నడుస్తుంది. పాముల పెంపకం చిన్నపిల్లల ఆట కాదు. చిన్న పొరపాటు కూడా మరణానికి దారితీస్తుంది. కోబ్రాస్ వంటి ప్రాణాంతకమైన పాములు ఇక్కడ పెంచుతున్నందున, చాలా కఠినమైన భద్రతా నిబంధనలు అమలులో ఉన్నాయి. ప్రతి గ్రామంలోని ఇంటిలో పాములను ఉంచడానికి ప్రత్యేక బోనులు, సురక్షిత కంటైనర్లు ఉంటాయి. పెద్ద ప్రమాదాలను నివారించడానికి చైనా ప్రభుత్వం స్థానిక సమాజానికి సరైన శిక్షణ, లైసెన్స్లను అందిస్తుంది. ప్రమాదాలు ఉన్నప్పటికీ, ఇక్కడి ప్రజలు తమ ధైర్యం, సాంకేతికతపై ఆధారపడి ప్రపంచంలోని అత్యంత ప్రత్యేకమైన వ్యాపారాలలో ఒకదాన్ని విజయవంతంగా కొనసాగిస్తున్నారు.
చైనీయులు ఇన్ని పాములను పెంచుకున్నప్పటికీ, వారు ఇప్పటికీ ఒక పామును చూసి భయపడుతున్నారు. ఫైవ్ స్టెప్ అనేది చైనా మొత్తం భయపడే పాము. ఈ ఫైవ్ స్టెప్ పాము ఎవరినైనా కరిస్తే, ఆ వ్యక్తి ఐదు దశల్లోనే చనిపోతాడని అంటారు.
మరిన్ని ట్రెండింగ్ న్యూస్ కోసం క్లిక్ చేయండి..
