Hyderabad: శంషాబాద్‌ ఎయిర్‌పోర్ట్‌లో విమానం హైజాక్‌ బెదిరింపు..! ఫేక్‌ మెయిల్‌గా గుర్తించిన అధికారులు..

హైదరాబాద్, అక్టోబర్ 09: శంషాబాద్ విమానాశ్రయానికి ఓ బెదిరింపు మెయిల్ వచ్చింది. వెంటనే అప్రమత్తమైన అధికారులు విమానాశ్రయంలో హై అలర్ట్ ప్రకటించారు. భద్రతను కట్టుదిట్టం చేశారు. శంషాబాద్ నుంచి దుబాయ్ కి వెళ్లే విమానం హైజాక్ చేయబోతున్నట్లు ఆ మెయిల్‌లో ఉంది. ఈ క్రమంలో దుబాయ్ వెళ్లే ఆ విమానాన్ని తనిఖీ చేశారు. అనంతరం ఆ విమాన సర్వీసును రద్దు చేసి ప్రయాణికులను హోటల్‌కు తరలించారు.

మరోవైపు, ఈ బెదిరింపు మెయిల్ ఎవరు పంపించారనే కోణంలో అధికారులు ఆరా తీస్తున్నారు. ఈ ఘటనకు సంబంధించి ఇప్పటికే ఓ వ్యక్తిని అదుపులోకి తీసుకుని విచారిస్తున్నట్టు తెలుస్తోంది. మెయిల్ వచ్చి ఐపీ అడ్రస్ పై టెక్నికల్ టీం ఆరా తీస్తోంది. మరో ముగ్గురు అనుమానితులను పోలీసులు అరెస్టు చేశారు. దీనికి సంబంధించిన మరిన్ని వివరాలు తెలియాల్సి ఉంది.

మరిన్ని తెలంగాణ వార్తల కోసం