Smartphones: జూన్‌లో స్మార్ట్‌ఫోన్ల జాతర.. ది బెస్ట్ ఫోన్స్ లాంచ్..!

ఆధునిక ఫీచర్లు, అధిక బ్యాటరీ సామర్థ్యం, చక్కని ప్రాసెసర్, స్పష్టమైన డిస్ ప్లే తదితర ప్రత్యేకతలతో ఆకట్టుకుంటున్నాయి. ఈ నేపథ్యంలో జూన్ లో మార్కెట్ లోకి విడుదల కానున్న కొత్త ఫోన్లు, వాటి ఫీచర్లు, ధర వివరాలను తెలుసుకుందాం.

వన్ ప్లస్ 13ఎస్

కొత్తగా మార్కెట్ లోకి విడుదల కానున్న స్మార్ట్ ఫోన్లలో వన్ ప్లస్ 13 ఎస్ ఒకటి. ఈ ఫోన్ జూన్ 5న విడుదల అవుతుందని సమాచారం. 6.32 అంగుళాల ఓఎల్ఈడీ డిస్ ప్లే, స్నాప్ డ్రాగన్ 8 ఎలైట్ చిప్ సెట్, డ్యూయల్ 50 ఎంపీ కెమెరా సిస్టమ్, 80 డబ్ల్యూ ఫాస్ట్ చార్జింగ్ కు మద్దతు ఇచ్చే 6,260 ఎంఏహెచ్ బ్యాటరీ తదితర ప్రత్యేకతలు ఉన్నాయి. ముఖ్యంగా చార్జింగ్ అయిపోతుందనే ఇబ్బంది లేకుండా రోజంతా చక్కగా వినియోగించుకోవచ్చు. ఈ ఫోన్ రూ.49,990 ధరలో అందుబాటులోకి వస్తుందని భావిస్తున్నారు.

నథింగ్ ఫోన్ 3

జూన్ విడుదల కానున్న బెస్ట్ ఫోన్లలో నథింగ్ ఫోన్ 3 ముందు వరసలో ఉంటుంది. విశ్వసనీయ సమాచారం మేరకు ఈ ఫోన్ లో 6.67 అంగుళాల అమోలెడ్ డిస్ ప్లే ఏర్పాటు చేశారు. స్నాప్ డ్రాగన్ 8 ఎస్ జెన్ 3 ప్రాసెసర్ తో పనితీరుకు ఇబ్బంది ఉండదు. కెమెరా సెటప్ కు సంబంధించి ట్రిపుల్ లెన్స్ కాన్ఫిగిరేషన్ తో పాటు 64 ఎంపీ ప్రైమరీ లెన్స్ ఉండవచ్చు. 100 డబ్ల్యూ ఫాస్ట్ చార్జింగ్ మద్దతు ఇచ్చే 5000 ఎంఏహెచ్ బ్యాటరీ అమర్చారు. ఈ ఫోన్ ధర రూ.44,999 ఉండే అవకాశం ఉంది.

ఇవి కూడా చదవండి

తగ్గిన బంగారం ధరలు.. తెలుగు రాష్ట్రాల్లో తులం ఎంతుందంటే..

వినియోగదారులకు మరోసారి షాకిచ్చిన హెచ్‌డీఎఫ్‌సీ బ్యాంకు!

యాక్సిస్ బ్యాంక్ క్రెడిట్ కార్డుదారులకు అలెర్ట్..ఆ రివార్డుల సవరణ

ఆ కేంద్ర ప్రభుత్వ ఉద్యోగులకు బంపర్ ఆఫర్..ఏకంగా 40శాతం జీతాల పెంపు

వీవో టీ4 అల్ట్రా

జూన్ నెల మధ్యలో వీవో టీ4 అల్ట్రా స్మార్ట్ ఫోన్ విడుదలయ్యే అవకాశం ఉంది. దీనిలో 6.67 అంగుళాల పీఓఎల్ఈడీ డిస్ ప్లే, 50 ఎంపీ సోనీ సెన్సార్ తో కూడిన ట్రిపుల్ కెమెరా సెటప్, 50 ఎంపీ పెరిస్కోప్ లెన్స్, 10 ఎక్స్ మాక్రో ఉంటాయని భావిస్తున్నారు. బ్యాటరీ, ఇతర విషయాలపై పూర్తిస్థాయి సమాచారం లేదు.

ఇన్ఫినిక్స్ జీటీ 30

ఇటీవల మొబైల్ ఫోన్ లో గేమ్స్ ఆడేవారు విపరీతంగా పెరిగారు. ఏమాత్రం ఖాళీ సమయం దొరికినా గేమ్స్ ఆడుతూ కనిపిస్తున్నారు. అలాంటి గేమింగ్ ప్రియుల కోసం ఇన్ఫినిక్స్ జీటీ 30 స్మార్ట్ ఫోన్ రూపొందించారు. ఈ ఫోన్ జూన్ మొదటి వారంలో విడుదల కానుంది. మీడియా టెక్ డైమెన్సిటీ చిప్ సెట్, అధిక రిఫ్రెష్ రేట్ కలిగిన డిస్ ప్లే, పెద్ద బ్యాటరీతో అందుబాటులో వస్తుందని భావిస్తున్నారు. దీని ధర దాదాపు రూ.25 వేలు ఉండే అవకాశం ఉంది. వీటిలో పాటు ఒప్పో తదితర బ్రాండ్ల నుంచి ఫోన్లు విడుదల కానున్నాయి.