సూపర్ డిస్ప్లే, భారీ స్టోరేజీతో రెడ్మీ నుంచి అదిరే స్మార్ట్ఫోన్.. లుక్ చూస్తే ఇక ఆగలేరు
Redmi Note 15 SE 5G.. మిడ్-రేంజ్ స్మార్ట్ఫోన్ కొనాలని చూస్తున్న వారికి Redmi నుంచి ఆసక్తికరమైన ఎంపిక వచ్చింది. Note 15 SE 5Gలో 120Hz Curved AMOLED డిస్ప్లే, Snapdragon 6 Gen 3 చిప్సెట్, 5800mAh బ్యాటరీ వంటి ప్రత్యేకతలు ఉన్నాయి. రూ.25,999 ప్రారంభ ధరతో లభించే ఈ ఫోన్లో ప్రీమియం డిజైన్, వేగవంతమైన ఛార్జింగ్ కూడా ఆకట్టుకునే అంశాలుగా నిలుస్తున్నాయి.
స్మార్ట్ఫోన్లో మంచి స్క్రీన్తో పాటు ఎక్కువ బ్యాటరీ సామర్థ్యం కావాలనుకునే వారికి ఈ మోడల్ ఆసక్తికరంగా కనిపిస్తుంది. 3200 nits గరిష్ఠ ప్రకాశంతో 6.77 అంగుళాల Curved AMOLED డిస్ప్లే, 45W Turbo Charging, 50MP ప్రధాన కెమెరా వంటి ఫీచర్లు ఇందులో ఉన్నాయి. అయితే అల్ట్రా-వైడ్ కెమెరా లేకపోవడం మాత్రం ఒక లోపంగా చెప్పుకోవచ్చు.
120Hz కర్వ్డ్ AMOLED..
ఈ ఫోన్లో 6.77 అంగుళాల FHD+ Curved AMOLED డిస్ప్లే ఉంది. 1080 × 2392 పిక్సెల్స్ రిజల్యూషన్, 120Hz రిఫ్రెష్ రేట్, 240Hz టచ్ శాంప్లింగ్ రేట్తో వస్తుంది. 3200 nits పీక్ బ్రైట్నెస్తో పాటు 12-bit కలర్ డెప్త్, DCI-P3 కలర్ గామట్, 3840Hz PWM డిమ్మింగ్ ఉన్నాయి. కళ్ల రక్షణ కోసం TÜV Rheinland సర్టిఫికేషన్లు కూడా అందించారు. పనితీరు కోసం 4nm ఆధారిత Snapdragon 6 Gen 3 చిప్సెట్ ఉంది. 4 Cortex-A78 కోర్లు 2.4GHz వరకు, 4 Cortex-A55 కోర్లు 1.8GHz వరకు పనిచేస్తాయి. 6GB LPDDR4X RAM, 128GB UFS 2.2 స్టోరేజ్ లభిస్తుంది. microSD కార్డుతో 1TB వరకు పెంచుకోవచ్చు.
50MP కెమెరా, 5800mAh బ్యాటరీ
వెనుక 50MP ప్రధాన కెమెరాతో పాటు 2MP డెప్త్ సెన్సర్ ఉంది. f/1.8 అపర్చర్, PDAF, LED ఫ్లాష్, HDR, Panorama సదుపాయాలు ఉన్నాయి. 4K వీడియో రికార్డింగ్ కూడా చేయవచ్చు. ముందు 20MP కెమెరా ఉంది. అల్ట్రా-వైడ్ కెమెరా లేకపోవడం మైనస్. బ్యాటరీ విషయానికి వస్తే 5800mAh Silicon-Carbon బ్యాటరీని ఇచ్చారు. 45W Turbo Chargingతో పాటు 18W రివర్స్ వైర్డ్ ఛార్జింగ్ సపోర్ట్ ఉంది. Crimson Reserve వేరియంట్కు vegan leather ఫినిష్ ఇచ్చారు. IP65 + IP66 రక్షణ, MIL-STD-810H డ్యూరబిలిటీ ఉన్నాయి.
ఇన్-డిస్ప్లే ఫింగర్ప్రింట్, IR Blaster, Stereo Speakers, Dolby Atmos, Wi-Fi 6, Bluetooth 5.1, USB Type-C వంటి సదుపాయాలు కూడా ఉన్నాయి. Android 15 ఆధారిత HyperOSతో వచ్చే ఈ ఫోన్కు 4 సంవత్సరాల OS అప్డేట్స్, 6 సంవత్సరాల సెక్యూరిటీ అప్డేట్స్ అందించనున్నట్లు కంపెనీ పేర్కొంది.