Safety Password: దాదాపు 30 దేశాలలో ఎక్కువగా ఉపయోగించే పాస్వర్డ్ అదేనట.. మీది కూడా అదేనా ..? చూసుకోండి..
దాదాపుగా అన్ని ఫోన్లకు పాస్వర్డ్ ఉంటుంది. నిజానికి ఈ పాస్వర్డ్ అనేది ఫోన్లో మనం భద్రపరిచిన సమాచారానికి రక్షన వలయం లాంటిదని మనందరికీ తెలుసు.నొర్డ్పాస్ అనే పాస్వర్డ్ మేనేజ్మెంట్..
దాదాపుగా అన్ని ఫోన్లకు పాస్వర్డ్ ఉంటుంది. నిజానికి ఈ పాస్వర్డ్ అనేది ఫోన్లో మనం భద్రపరిచిన సమాచారానికి రక్షన వలయం లాంటిదని మనందరికీ తెలుసు.నొర్డ్పాస్ అనే పాస్వర్డ్ మేనేజ్మెంట్ సోల్యూషన్స్ సంస్థ పాస్వర్డ్ల విషయంలో ఇటీవల జరిపిన ఓ సర్వేలో ఓ ఆసక్తి కరమైన విషయం వెలుగులోకి వచ్చింది. అది ఏమిటంటే.. దాదాపు 30కి పైగా దేశాలలో Samsung లేదా samsung అనేది సర్వసాధరణమైన పాస్వర్డ్ అంట. ఇక సామ్మొబైల్ ప్రకారం.. మన సమాచారాన్ని కాపాడుకోవడానికి ఫోన్ లేదా టీవీ కంపెనీల పేర్లను పాస్వర్డ్గా పెట్టుకోవడమనేది అంత సురక్షితమైన పని కాకపోయినప్పటికీ.. చాలా దేశాలలో దానినే పాటిస్తున్నారు.
అయితే ఎక్కువగా ఉపయోగించే పాస్వర్డ్ల జాబితాలో ‘సామ్సంగ్’ 2019 వరకు 198వ స్థానంలో ఉండగా.. ఇది 2020లో 189వ స్థానానికి, 2021లో 78వ స్థానానికి చేరుకుంది. ఇలా గత ఏడాది టాప్-100 మార్కును అధిగమించింది. ఇక ఈ జాబీతాలో అత్యంత ప్రజాదరణ పొందిన పాస్వర్డ్ ‘‘పాస్వర్డ్’’. దాదాపు 50 లక్షల మంది వినియోగదారులు దీనినే వినియోగించుకుంటారని అనేక నివేదికలు వెలువడ్డాయి. అయితే అతి సాధారణంగా ఉపయోగించే ఇతర పాస్వర్డ్లలో ‘123456’, ‘123456789’ ఉన్నాయి.
ఇటీవలి ఓ నివేదిక ప్రకారం.. సాధారణ, ఊహాజనిత పాస్వర్డ్ను ఒక సెకను కంటే తక్కువ వ్యవధిలో చేధించవచ్చు. అయితే చిన్న, పెద్ద అక్షరాలను సంఖ్యలతో కలపడం అనేది కొంత రక్షణను కల్పిస్తుంది. సాధారణంగా ఉపయోగించే పాస్వర్డ్లలో ఎక్కువ భాగం ఒక సెకను కంటే తక్కువ వ్యవధిలో చేధించదగినవే అని నొర్డ్పాస్ వెల్లడించింది.
మరిన్ని టెక్నాలజీ వార్తల కోసం క్లిక్ చేయండి..