ఫ్రీగా నెట్‌ఫ్లిక్స్‌, ప్రైమ్‌ వీడియో, హాట్‌స్టార్‌.. జియో సూపర్‌ రీఛార్జ్‌ ప్లాన్‌!

Jio Plan

రిలయన్స్‌ జియో తన ప్రీమియం వినియోగదారుల కోసం ఆకర్షణీయమైన పోస్ట్‌పెయిడ్ ప్లాన్‌ను అందిస్తోంది. రూ.749 ధరతో లభిస్తున్న ఈ ప్లాన్‌లో మొబైల్ సేవలతో పాటు ప్రముఖ ఓటీటీ ప్లాట్‌ఫారమ్‌ల సబ్‌స్క్రిప్షన్లు కూడా ఉచితంగా లభిస్తున్నాయి. ముఖ్యంగా సినిమాలు, వెబ్‌సిరీస్‌లు, లైవ్ స్పోర్ట్స్ ఎక్కువగా చూసే వినియోగదారులను లక్ష్యంగా చేసుకుని ఈ ప్లాన్‌ను రూపొందించినట్లు తెలుస్తోంది. ఈ ప్లాన్‌లో వినియోగదారులకు అపరిమిత వాయిస్ కాల్స్, రోజుకు 100 ఎస్‌ఎంఎస్‌లు, నెలకు 100జీబీ హైస్పీడ్ డేటా అందుతుంది. అర్హత గల స్మార్ట్‌ఫోన్‌లలో అపరిమిత 5జీ డేటా సదుపాయం కూడా ఉంటుంది. ఒకవేళ 100జీబీ డేటా పూర్తయితే, అదనంగా ప్రతి జీబీకి రూ.10 చొప్పున వసూలు చేస్తామని జియో తెలిపింది.

ఈ ప్లాన్‌లో ప్రధాన ఆకర్షణ ఓటీటీ సబ్‌స్క్రిప్షన్లు. వినియోగదారులకు నెట్‌ఫ్లిక్స్‌ బేసిక్ ప్లాన్, అమెజాన్‌ ‍ప్రైమ్‌ వీడియో ప్రైమ్ లైట్ సబ్‌స్క్రిప్షన్, అలాగే జియో హాట్‌స్టార్‌ మెంబర్‌షిప్ ఉచితంగా లభిస్తాయి. దీంతో సినిమాలు, వెబ్‌సిరీస్‌లు, టీవీ షోలు, లైవ్ క్రికెట్ మ్యాచ్‌లు వంటి కంటెంట్‌ను అదనపు చార్జీలు లేకుండా వీక్షించవచ్చు. కుటుంబ వినియోగదారులను దృష్టిలో పెట్టుకుని జియో ఈ ప్లాన్‌లో అదనపు సిమ్ సదుపాయాన్ని కూడా అందిస్తోంది. ప్రధాన ఖాతాకు మూడు అదనపు సిమ్ కార్డులను జోడించుకోవచ్చు. ప్రతి అదనపు సిమ్‌కు నెలకు రూ.150 చెల్లించాల్సి ఉంటుంది. దీంతో ఒకే బిల్లులో కుటుంబ సభ్యులందరి మొబైల్ సేవలను నిర్వహించడం సులభమవుతుంది.

అయితే ప్లాన్ ధర రూ.749 అయినప్పటికీ దీనికి జీఎస్టీ అదనంగా వర్తిస్తుంది. కాబట్టి నెలవారీ బిల్లు కొంత ఎక్కువగా ఉండే అవకాశం ఉంది. సాధారణ బడ్జెట్ వినియోగదారుల కంటే ఎక్కువ డేటా, ఎక్కువ ఓటీటీ వినియోగం ఉన్న వారికి ఈ ప్లాన్ ఎక్కువ ప్రయోజనకరంగా ఉంటుందని టెలికాం విశ్లేషకులు చెబుతున్నారు. స్ట్రీమింగ్ వినోదం, 5జీ డేటా, కుటుంబ కనెక్టివిటీ కలిపి సర్వీస్ కోరుకునే వారికి జియో ఈ పోస్ట్‌పెయిడ్ ప్లాన్ ఒక ఆకర్షణీయమైన ఎంపికగా మారుతోంది.

మరిన్ని టెక్‌ వార్తల కోసం ఇక్కడ క్లిక్‌ చేయండి