IRCTC Ticket Booking: రైలు టికెట్ బుక్ చేయడానికి సింపుల్ టిప్స్ ఇవిగో.. కష్టం ఏమి ఉండదు.. చాలా ఈజీ

రైల్వే టికెట్ల కోసం గంటల తరబడి క్యూ లైన్లలో వేచి ఉండే రోజులు పోయాయి. గతంలో ప్రత్యేకంగా రైల్వే స్టేషన్ కి వెళ్లి.. ఓ ఫారం తీసుకొని దానిని ఫిల్ చేసి టికెట్ బుక్ చేసుకోవాల్సి వచ్చేది. ఇప్పుడు ఆ పరిస్థితి లేదు. అత్యాధునిక సాంకేతికతతో ఇంట్లో కూర్చొని అరచేతిలో ఉన్న ఫోన్ ద్వారా ఆన్ లైన్ లో రైల్వే టికెట్ బుక్ చేసుకోవచ్చు. అందుకోసం రైల్వే శాఖ ప్రత్యేకంగా ఓ పోర్టల్ ను తీసుకొచ్చింది. దానిపేరు ఇండియన్ రైల్వే క్యాటరింగ్ అండ్ టూరిజం కార్పొరేషన్ (ఐఆర్‪సీటీసీ). దీని ద్వారా రైల్వే టికెట్లను సులభంగా, వేగంగా బుక్ చేసుకోవచ్చు. అయితే అందుకోసం ముందుగా మీరు మీ ఐఆర్‪సీటీసీ అకౌంట్ ని  వెబ్ సైట్ లేదా యాప్ లో క్రియేట్ చేసుకోవాల్సి ఉంటుంది. అకౌంట్ ఎలా క్రియేట్ చేసుకోవాలి? టికెట్ ఎలా బుక్ చేసుకోవాలి? అనే వివరాలు తెలుసుకుందాం..

అకౌంట్ ఇలా క్రియేట్ చేయాలి..

• ఐఆర్‪సీటీసీ వెబ్‌సైట్ లోకి వెళ్లాలి.
•  పేజీ కుడి వైపు పైన మూలలో ఉన్న ‘Register’ బటన్‌పై క్లిక్ చేయాలి.
•  యూజర్ టైప్ ‘Individual’ ఎంచుకోవాలి.
•  మీ పేరు, పుట్టిన తేదీ, జండర్, ఈమెయిల్ ఐడీ, మొబైల్ నంబర్, అడ్రస్ వంటి అవసరమైన వివరాలను నింపాలి.
•  మీ ఐఆర్‪సీటీసీ అకౌంట్ కోసం యూజర్ నేమ్, పాస్‌వర్డ్‌ను క్రియేట్ చేయాలి.
•  యూజర్ నేమ్ ప్రత్యేకంగా 3 నుంచి 35 అక్షరాల మధ్య ఉండేలా చూసుకోవాలి.
• సెక్యూరిటీ ప్రశ్నను ఎంచుకొని, గుర్తుపెట్టుకోవాలి.
• క్యాప్ చా కోడ్‌ని ఎంటర్ చేయడం ద్వారా మీ ఖాతాను ధ్రువీకరించండి.
• ఆ తర్వాత సబ్మిట్ పై క్లిక్ చేయాలి.
• మీరు ఎంటర్ చేసిన మొబైల్ నంబర్, ఇమెయిల్ ఐడీలకు ఓటీపీ (వన్ టైమ్ పాస్‌వర్డ్) వస్తుంది.
• ఆ ఓటీపీని ఎంటర్ చేసి మళ్లీ సబ్మిట్ బటన్ పై క్లిక్ చేస్తే మీ అకౌంట్ క్రియేట్ అయిపోతుంది.

ఆన్‌లైన్‌లో రైలు టిక్కెట్‌ను ఇలా బుక్ చేసుకోవాలి..

•  మీ ఐఆర్‪సీటీసీ అకౌంట్ లోకి లాగిన్ చేయాలి.
•  ప్రయాణ తేదీతో పాటు బయలుదేరే, గమ్యస్థాన స్టేషన్‌లను ఎంచుకోవాలి.
•  ఆ తర్వాత ఫస్ట్ ఏసీ, సెకండ్ ఏసీ, థర్డ్ ఏసీ, స్లీపర్, చైర్ వంటి ట్రావెల్ క్లాసుల్లో మీరు ఏదోకటి ఎంపిక చేసుకోవాల్సి ఉంటుంది.
•  ఇప్పుడు అందుబాటులో ఉన్న రైళ్లు, సమయాలను చెక్ చేయడానికి ‘Find Trains’పై క్లిక్ చేయాలి.
•  మీరు ప్రయాణించాలనుకుంటున్న రైలును ఎంచుకుని, ‘Check Availability & Fare’పై క్లిక్ చేయాలి.
•  కోటాను (జనరల్, తత్కాల్, లేడీస్ మొదలైనవి) ఏదో ఒక దానిని ఎంపిక చేసుకొని, ‘Book Now’పై క్లిక్ చేయాలి.
•  ప్రయాణికుల వివరాలను (పేరు, వయస్సు, లింగం, బెర్త్ ప్రాధాన్యత వంటివి) రిజిస్టర్ చేసి ‘Continue Booking’పై క్లిక్ చేయాలి.
•  మీ బుకింగ్ వివరాలను సమీక్షించి, ‘Make Payment’పై క్లిక్ చేయాలి.
• పేమెంట్ పద్ధతిని (క్రెడిట్/డెబిట్ కార్డ్, నెట్ బ్యాంకింగ్ లేదా ఈ-వాలెట్ వంటివి) ఎంచుకోండి. పేమెంట్ వివరాలను ఎంటర్ చేయాలి.
•  మీ బుకింగ్‌ను పూర్తి చేసేందుకు ‘Payment’పై Click చేయాలి.
• పేమెంట్ పూర్తయిన తర్వాత, మీ టిక్కెట్ వివరాలతో confirmation మెసేజ్, ఇమెయిల్‌ను అందుకుంటారు.
• ఆ టికెట్ ను ప్రింట్ తీసి దగ్గర పెట్టుకోవాలి.

మరిన్ని టెక్నాలజీ వార్తల కోసం ఇక్కడ క్లిక్ చేయండి..