Google Bookmarks: మరో కీలక నిర్ణయం తీసుకున్న గూగుల్.. సెప్టెంబర్‌ 30 నుంచి ఆ సేవలు నిలిచిపోనున్నాయి.
Google Bookmarks: ప్రముఖ సెర్చ్‌ ఇంజన్‌ గూగుల్ ఇటీవల పలు కీలక నిర్ణయాలు తీసుకుంటూ దూసుకెళుతోంది. పాత సేవలకు స్వస్తి చెబుతూ ఇప్పటికే పలు రకాల సేవలను మూసి వేసిన విషయం తెలిసిందే. గత కొన్ని నెలల క్రితం...
Google Bookmarks: ప్రముఖ సెర్చ్‌ ఇంజన్‌ గూగుల్ ఇటీవల పలు కీలక నిర్ణయాలు తీసుకుంటూ దూసుకెళుతోంది. పాత సేవలకు స్వస్తి చెబుతూ ఇప్పటికే పలు రకాల సేవలను మూసి వేసిన విషయం తెలిసిందే. గత కొన్ని నెలల క్రితం గూగుల్ మ్యూజిక్‌ సేవలను ఆపేసిన ఈ సెర్చ్‌ ఇంజన్‌ దిగ్గజం తాజాగా మరో సేవకు ఫుల్ స్టాప్‌ పెట్టింది. గూగుల్ ‘బుక్మార్క్స్’ సేవలను మూసేస్తున్నట్లు ప్రకటించింది. సెప్టెంబరు 30 నుంచి గూగుల్ బుక్మార్క్స్ నిలిపివేస్తున్నట్లు తెలిపింది. సెప్టెంబర్‌ 30 తర్వాత బుక్మార్క్స్ సేవలకు గూగుల్ సపోర్ట్‌ ఇవ్వదని సంస్థ పేర్కొంది.
ఇక బుక్మార్క్స్ సేవలను నిలిపివేసినప్పటికీ.. యూజర్లు స్టార్‌ మార్క్‌ చేసిన ప్రదేశాలు, వెబ్‌ పేజీలపై ఎలాంటి ప్రభావం పడదని తెలిపింది. అవసరమైన వారు బుక్‌మార్క్స్‌ను ఎక్స్‌పోర్ట్‌ చేసుకోవచ్చని గూగుల్ తెలిపింది. ‘ఎక్స్‌ పోర్ట్‌ బుక్‌ మార్క్స్‌’ అనే ఆప్షన్‌పై క్లిక్‌ చేయడం ద్వారా యూజర్లు తమ బుక్‌మార్క్స్‌ను సేవ్‌ చేసుకునే అవకాశాన్ని కలిపించారు. ఇదిలా ఉంటే గూగుల్ బుక్మార్క్స్ సేవలను అక్టోబర్‌ 10, 2005 నుంచి అందుబాటులోకి తీసుకొచ్చింది. గూగుల్ అకౌంట్‌ కలిగి ఉన్నవారందరికీ ఈ సేవలను ఉచితంగా అందించారు. క్లౌడ్ ఆధారిత ఈ సేవల ద్వారా యూజర్లు వెబ్‌ పేజీలను, ఆడ్‌ లెబెల్స్‌, నోట్స్‌ను బుక్‌మార్క్‌ చేసుకునే అవకాశం ఉంటుంది. అయితే ఈ సేవలకు పెద్దగా ప్రజాధరణ రాకపోతుండడంతో గూగుల్ షట్‌ డౌన్‌ చేస్తూ నిర్ణయం తీసుకుంది.
Also Read: Bajaj Chetak : బజాజ్ చేతక్ ఎలక్ట్రిక్ స్కూటర్..! రేపటి నుంచి ఈ 3 నగరాల్లో బుకింగ్ ప్రారంభం..