Deepseek Banned: ఆస్ట్రేలియాతో సహా ఈ దేశాలలో డీప్‌సీక్‌ నిషేధం.. ఎందుకో తెలుసా..?

ప్రపంచంలో సంచలనం సృష్టించిన చైనా AI మోడల్ డీప్‌సీక్‌ను ఆస్ట్రేలియాలో నిషేధించారు. అయితే, ఆస్ట్రేలియా ప్రభుత్వ పరికరాల్లో డీప్‌సీక్ వాడకంపై మాత్రమే ఈ నిషేధాన్ని విధించింది. ప్రభుత్వ పని కోసం ఉపయోగించే ఏ పరికరంలోనూ డీప్‌సీక్‌ను ఉపయోగించలేరు. దీని వెనుక భద్రతాపరమైన ప్రమాదాలు ఉన్నాయని ఆస్ట్రేలియా పేర్కొంది. ఆస్ట్రేలియా ప్రభుత్వ పరికరాల్లో చైనీస్ ఆర్టిఫిషియల్ ఇంటెలిజెన్స్ స్టార్టప్ డీప్‌సీక్ వాడకాన్ని పూర్తిగా నిషేధించింది. ఈ AI కంపెనీ జాతీయ భద్రతకు ముప్పు కలిగించవచ్చని ప్రభుత్వం ఫిబ్రవరి 4 మంగళవారం ప్రకటించింది.

డీప్‌సీక్ నుండి ఎటువంటి ఉత్పత్తులు, అప్లికేషన్లు లేదా వెబ్ సేవలను ఉపయోగించవద్దని, ఇప్పటికే ఇన్‌స్టాల్ చేసి ఉంటే వాటిని వెంటనే తొలగించాలని ఆస్ట్రేలియా హోం వ్యవహారాల శాఖ కార్యదర్శి అన్ని ప్రభుత్వ సంస్థలకు తప్పనిసరి ఆదేశం జారీ చేశారు.

డీప్‌సీక్‌ను ఎందుకు నిషేధించారు?

డీప్‌సీక్ ప్రభుత్వ సాంకేతికతకు ఆమోదయోగ్యమైనది కాదని, ప్రమాదం పొంచి ఉందని హోం వ్యవహారాల మంత్రి టోనీ బర్క్ అన్నారు. ఆస్ట్రేలియా జాతీయ భద్రత, జాతీయ ప్రయోజనాలను కాపాడటానికి ఈ నిషేధం విధించిందని ఆయన అన్నారు.  అయితే, ఈ పరిమితి ప్రభుత్వ పరికరాలకు మాత్రమే వర్తిస్తుంది. ఇతర సామాన్యులు తమ పరికరాల్లో డీప్‌సీక్‌ను ఉపయోగించలేరు.

డీప్‌సీక్ ప్రపంచ టెక్ కంపెనీలకు ఎదురుదెబ్బ:

డీప్‌సీక్ ప్రారంభించినప్పటి నుండి ప్రపంచ టెక్ కంపెనీల షేర్లు బాగా తగ్గాయి. దీనికి ప్రధాన కారణం డీప్‌సీక్ AI మోడల్స్ పోటీ మోడళ్ల కంటే చాలా చౌకగా ఉంటాయి. తక్కువ ఖరీదైన చిప్‌లు కూడా అవసరం. ఇది పాశ్చాత్య దేశాలలో చిప్‌మేకర్ కంపెనీలు, డేటా సెంటర్లలో భారీ పెట్టుబడుల గురించి ప్రశ్నలను లేవనెత్తింది.

ఇతర దేశాలలో కూడా డీప్‌సీక్‌పై చర్య:

ఆస్ట్రేలియా కంటే ముందు, ఇటలీ కూడా డీప్‌సీక్‌పై ఇలాంటి నిషేధాన్ని విధించింది. ఈ వారం ప్రభుత్వ విభాగాలలో డీప్‌సీక్ వాడకాన్ని తైవాన్ నిషేధించింది. డీప్‌సీక్ భద్రతకు సంబంధించి యూరప్, ఇతర దేశాలలో కూడా దర్యాప్తు జరుగుతోంది. రెండేళ్ల క్రితం చైనా సోషల్ మీడియా యాప్ టిక్‌టాక్‌పై ఆస్ట్రేలియా ప్రభుత్వం ఇలాంటి నిషేధాన్ని విధించింది. ఎందుకంటే ఇది భద్రతాపరమైన ప్రమాదాన్ని కూడా కలిగిస్తుంది. అందుకే టాక్‌టాక్‌పై నిషేధం విధించింది.

మరిన్ని టెక్ వార్తల కోసం ఇక్కడ క్లిక్ చేయండి