వరల్డ్స్కిల్స్ షాంఘై 2026.. రికార్డు స్థాయిలో 63 విభాగాల్లో బరిలోకి దిగుతున్న భారత్..!
చైనాలోని షాంఘై వేదికగా జరగనున్న ప్రతిష్టాత్మక 48వ వరల్డ్స్కిల్స్ (WorldSkills Shanghai 2026) పోటీల్లో భారత్ అత్యంత భారీ ప్రాతినిధ్యంతో బరిలోకి దిగుతోంది. మొత్తం 64 నైపుణ్య విభాగాలకు గాను ఏకంగా 63 విభాగాల్లో భారత ప్రతిభావంతులు తమ నైపుణ్యాలను ప్రదర్శించనున్నారు. గత ఎడిషన్తో పోలిస్తే దేశ ప్రాతినిధ్యం గణనీయంగా పెరగడం విశేషం.
చైనాలోని షాంఘై నగరం ఆతిథ్యమిస్తున్న 48వ వరల్డ్స్కిల్స్ అంతర్జాతీయ పోటీల్లో భారతదేశం సరికొత్త చరిత్ర సృష్టించేందుకు సిద్ధమైంది. మొత్తం 64 అధికారిక నైపుణ్య విభాగాలలో పోటీలు నిర్వహిస్తుండగా, భారత్ ఏకంగా 63 విభాగాలలో తన ప్రాతినిధ్యాన్ని ఖరారు చేసుకుంది. గతంలో 2024లో ఫ్రాన్స్లోని లియోన్ నగరంలో జరిగిన 47వ ఎడిషన్లో భారత బృందం 52 విభాగాలలో మాత్రమే పోటీపడింది. కేవలం రెండేళ్ల వ్యవధిలోనే దేశ ప్రాతినిధ్యం, పోటీతత్వం గణనీయంగా పుంజుకున్నాయి. ఇది కేవలం పోటీలకే పరిమితం కాకుండా, దేశవ్యాప్తంగా నైపుణ్యాభివృద్ధికి లభిస్తున్న ప్రాధాన్యతను, వృత్తి విద్యా రంగాల్లో ఏర్పడుతున్న పటిష్ట పర్యావరణ వ్యవస్థను స్పష్టం చేస్తోంది.
గత లియోన్ 2024 పోటీల్లో 60 మంది క్రీడాకారులు, 52 మంది నిపుణులతో బరిలోకి దిగిన భారత జట్టు 4 కాంస్య పతకాలు, 12 మెడల్లియన్స్ ఫర్ ఎక్సలెన్స్ సాధించి ఓవరాల్గా 13వ స్థానంలో నిలిచింది. తాజా షాంఘై టోర్నీ కోసం దేశ చరిత్రలోనే అత్యంత భారీ జట్టును సిద్ధం చేశారు. ఈసారి 70 మంది పోటీదారులు, 63 మంది నిపుణులతో కూడిన అతిపెద్ద బృందం దేశానికి ప్రాతినిధ్యం వహిస్తోంది. వీరికి పారిశ్రామిక, విద్యా రంగాలకు చెందిన 150కి పైగా భాగస్వామ్య సంస్థలు సంపూర్ణ సాంకేతిక సహకారాన్ని అందిస్తున్నాయి.
ఈ స్థాయి సన్నద్ధత కోసం క్షేత్రస్థాయి నుంచి ప్రతిభను వెలికితీసేలా ఒక పక్కా రోడ్మ్యాప్ను అమలు చేశారు. కౌశల్ మహోత్సవ్ (Kaushal Mahotsav), ఇండియా స్కిల్స్ (IndiaSkills), నేషనల్ ఛాంపియన్స్ ద్వారా అభ్యర్థులను ఎంపిక చేసి, ఛాంపియన్ క్లబ్ (Champion Club) వేదికగా గత విజేతలతో మార్గదర్శకత్వం ఇప్పించారు. అంతర్జాతీయంగా రాణించిన వారి కోసం ‘వాల్ ఆఫ్ ఫేమ్’ ఏర్పాటు చేయడంతో పాటు, సాంకేతిక సామర్థ్యం ఆధారంగా అత్యంత పారదర్శక ఎంపిక విధానాన్ని అనుసరించారు. ఈ పోటీల్లో సాంప్రదాయ ప్లాస్టరింగ్, వడ్రంగి, నిర్మాణ పనులతో పాటు క్లౌడ్ కంప్యూటింగ్, సైబర్ సెక్యూరిటీ, మొబైల్ యాప్ డెవలప్మెంట్, రోబోటిక్స్, ఆర్టిఫిషియల్ ఇంటెలిజెన్స్ ఆధారిత అధునాతన సాంకేతిక విభాగాలలో భారత యువత సత్తా చాటనుంది.
షాంఘైలో ఏ నైపుణ్యాల కోసం పోటీ నిర్వహిస్తారు?
వరల్డ్స్కిల్స్ షాంఘై 2026లో మొత్తం 64 నైపుణ్యాలు ప్రదర్శించనున్నారు. ఇందులో రాతిపని నైపుణ్యాల నుంచి యాప్ డెవలప్మెంట్ వరకు దాదాపు ప్రతి రంగంలోని నైపుణ్యాలు ఉన్నాయి. ఈ నైపుణ్యాల జాబితా ఓసారి చూద్దాం..
3D డిజిటల్ గేమ్
సంకలిత తయారీ
విమాన నిర్వహణ
ఆటోబాడీ రిపేర్
ఆటోమొబైల్ టెక్నాలజీ
స్వయంప్రతిపత్తి గల మొబైల్ రోబోటిక్స్
బేకరీ
సౌందర్య చికిత్స
ఇటుకలు వేయడం
క్యాబినెట్ తయారీ
కారు పెయింటింగ్
వడ్రంగి పని
రసాయన ప్రయోగశాల సాంకేతికత
క్లౌడ్ కంప్యూటింగ్
CNC మిల్లింగ్
CNC టర్నింగ్
కాంక్రీట్ భవన నిర్మాణ పనులు
వంట
సైబర్ సెక్యూరిటీ
దంత ప్రోస్థెటిక్స్
డిజిటల్ నిర్మాణం
డిజిటల్ ఇంటరాక్టివ్ మీడియా డిజైన్
విద్యుత్ సంస్థాపనలు
ఎలక్ట్రానిక్స్
ఫ్యాషన్ టెక్నాలజీ
పూల వ్యాపారం
గ్రాఫిక్ డిజైన్ టెక్నాలజీ
హెయిర్డ్రెస్సింగ్
ఆరోగ్య, సామాజిక సంరక్షణ
భారీ వాహన సాంకేతికత
హోటల్ రిసెప్షన్
ఐసిటి నెట్వర్క్ మౌలిక సదుపాయాలు
పారిశ్రామిక నియంత్రణ
పారిశ్రామిక రూపకల్పన సాంకేతికత
పారిశ్రామిక మెకానిక్స్
ఇండస్ట్రీ 4.0
తెలివైన భద్రతా సాంకేతికత
ఐటి నెట్వర్క్ సిస్టమ్స్ అడ్మినిస్ట్రేషన్
ఆభరణాలు
వడ్రంగి పని
ల్యాండ్స్కేప్ గార్డెనింగ్
లాజిస్టిక్స్, ఫ్రైట్ ఫార్వార్డింగ్
మెకానికల్ ఇంజనీరింగ్ CAD
మెకాట్రానిక్స్
మొబైల్ యాప్ అభివృద్ధి
ఆప్టోఎలక్ట్రానిక్ టెక్నాలజీ
పెయింటింగ్, అలంకరణ
పాటిస్సేరీ, మిఠాయి (మిఠాయి)
ప్లాస్టరింగ్ (భవన నిర్మాణం)
ప్లంబింగ్, హీటింగ్
రైలు వాహన సాంకేతికత
రిఫ్రిజిరేషన్, ఏసీ
పునరుత్పాదక శక్తి
రెస్టారెంట్ సేవ
రిటైల్ అమ్మకాలు
రోబోట్ వ్యవస్థల ఏకీకరణ
సాఫ్ట్వేర్ అప్లికేషన్ అభివృద్ధి
సాఫ్ట్వేర్ పరీక్ష
మానవరహిత వైమానిక వ్యవస్థలు
విజువల్ మర్చండైజింగ్
గోడలకు టైల్స్ వేయడం
నీటి సాంకేతికత
వెబ్ టెక్నాలజీ
వెల్డింగ్.
మరిన్ని క్రీడా వార్తల కోసం ఇక్కడ క్లిక్ చేయండి..