Tokyo Paralympics 2021: పారా ఒలింపిక్స్‌కు సిద్ధమైన టోక్యో.. 24 నుంచి ప్రారంభం.. 54 మందితో బయల్దేరిన భారత బృందం
పారా ఒలింపిక్స్ ఈ నెల 24 నుంచి మొదలుకానున్నాయి. 16వ సమ్మర్ పారా ఒలింపిక్స్ సెప్టెంబర్ 5 వరకు జరగనున్నాయి.
Tokyo Paralympics 2021: టోక్యో ఒలింపిక్స్ పూర్తయ్యాయి. ఇప్పుడు మరో క్రీడా సంబరం మొదలు కానుంది. పారా ఒలింపిక్స్ ఈ నెల 24 నుంచి మొదలుకానున్నాయి. 16వ సమ్మర్ పారా ఒలింపిక్స్ సెప్టెంబర్ 5 వరకు జరగనున్నాయి. ఈమేరకు టోక్యో పారా ఒలింపిక్స్‌కు భారత బృందం బయలుదేరింది. 54 మంది సభ్యలతో టోక్యోకు వెళ్లింది. ఈమేరకు ఆటగాళ్లకు కేంద్రమంత్రి అనురాగ్ ఠాకూర్ ఆల్ ది బెస్ట్ చెబుతూ వీడ్కోలు పలికారు. పారా ఒలింపిక్స్‌లో 9 క్రీడాంశాల్లో భారత ఆటగాళ్లు సత్తా చూపనున్నారు. కాగా, ఈనెల 27న ఆర్చరీతో భారత అథ్లెట్ల మ్యాచ్‌లు మొదలుకానున్నాయి.
ఈ ఏడాది మొత్తం 22 క్రీడాంశాల్లో 540 ఈవెంట్లు జరగనున్నాయి. మొత్తం 4,400 మంది అథ్లెట్లు 16వ సమ్మర్ పారా ఒలింపిక్స్‌లో భాగస్వామ్యం కానున్నారు.
కాగా రియో పారా ఒలింపిక్స్ 2016లో చైనా 105 స్వర్ణాలు, 81 రజతాలు, 51 కాంస్యాలతో 237 పతకాలు సాధించి తొలిస్థానంలో నిలిచింది. బ్రిటన్‌ 64, ఉక్రెయిన్‌ 41, అమెరికా 40 స్వర్ణాలు సాధించాయి. బ్రెజిల్‌ 14 బంగారం పతకాలు సాధించి ఎనిమిదో స్థానంలో నిలిచింది. భారత్‌ మాత్రం కేవలం రెండు స్వర్ణాలు, ఒక రజతం, కాంస్యం సాధించి 42వ స్థానంలో సాధించింది.