Lionel Messi: క్రిస్టియానో రొనాల్డో రికార్డ్‌ను బ్రేక్ చేసిన అర్జెంటీనా స్టార్ ఫుట్‌బాలర్‌ లియోనల్‌ మెస్సీ..!
అర్జెంటీనా స్టార్ ఫుట్‌బాలర్‌ లియోనల్‌ మెస్సీ రికార్డులకు రారాజుగా నిలుస్తోన్న సంగతి తెలిసిందే. తాజాగా మరో రికార్డును సాధించి అగ్రస్థానంలో నిలిచాడు. ఫ్రీకిక్ గోల్స్ రికార్డును బ్రేక్ చేసి అరుదైన రికార్డును నెలకొల్పాడు.
Lionel Messi: అర్జెంటీనా స్టార్ ఫుట్‌బాలర్‌ లియోనల్‌ మెస్సీ రికార్డులకు రారాజుగా నిలుస్తోన్న సంగతి తెలిసిందే. తాజాగా మరో రికార్డును సాధించి అగ్రస్థానంలో నిలిచాడు. ఫ్రీకిక్ గోల్స్ రికార్డును బ్రేక్ చేసి అరుదైన రికార్డును నెలకొల్పాడు. కోపా అమెరికా క‌ప్‌ ఫుట్బాల్ టోర్నీలో భాగంగా ఈ రికార్డును సాధించాడు. ఈక్వెడార్‌తో జ‌రిగిన మ్యాచ్‌లో పోర్చుగ‌ల్ స్టార్ ఆటగాడు క్రిస్టియానో రొనాల్డో పేరిట ఉన్న రికార్డును బ్రేక్ చేశాడు. ఈ మ్యాచ్‌లో అర్జెంటీనా మొత్తం 3 గోల్స్ చేసింది. అన్నింటిలోనూ మెస్సీ తన సత్తా చూపాడు. తొలి రెండు గోల్స్‌లో బాల్‌ను పాస్ చేసిన మెస్సీ.. ఓ ఫ్రీకిక్‌ను గోల్‌గా మ‌ల‌చడంతో అర్జెంటీనా 3-0 లీడ్ పొందింది. ఈ క్రమంలోనే రొనాల్డో రికార్డును మెస్సీ అర్జెంటీనా స్టార్ బద్దలు కొట్టాడు. ఇప్పటివరకు రొనాల్డో ఫ్రీకిక్స్‌తో 57 గోల్స్‌తో తొలి స్థానంలో నిలిచాడు. ఈ మ్యాచ్‌తో మెస్సీ 58వ సారి ఫ్రీకిక్ గోల్ సాధించి అగ్రస్థానంలోకి దూసుకొచ్చాడు. మెస్సీ ప్రస్తుతానికి అంతర్జాతీయ ఫుట్‌బాల్‌లో 76 గోల్స్ సాధించాడు. మరో గోల్ చేస్తే అత్యధిక గోల్స్ సాధించిన సౌత్ అమెరిక‌న్‌గా రికార్డు క్రియోట్ చేయనున్నాడు. ఈ జాబితాలో దిగ్గజ ఫుట్‌బాలర్‌, బ్రెజిల్‌ మాజీ కెప్టెన్‌ పీలే 77 గోల్స్‌తో మొదటి స్థానంలో ఉన్నాడు.
అలాగే ఈ అర్జెంటీనా ఆటగాడు లియోనెల్ మెస్సీ సాకర్‌లోనూ ఎన్నో రికార్డులను తన పేరిట లిఖించుకున్నాడు. బార్సిలోనా తరఫున 644వ గోల్ సాధించాడు. ఈ రికార్డుతో ఫుట్బాల్ చరిత్రలో ఒక క్లబ్‌ తరఫున అత్యధిక గోల్స్ సాధించిన ఆటగాడిగా నిలిచాడు. అంతకుముందు ఈ రికార్డు బ్రెజిలియన్‌ దిగ్గజ ఆటగాడు పీలే పేరిట ఉంది. ఆయన శాంటోస్‌ తరఫున 19 సీజన్లలో 665 మ్యాచ్‌ల్లో 643 గోల్స్ కొట్టాడు. 17 సీజన్లలో 748 మ్యాచ్‌ల్లో పీలే రికార్డును మెస్సీ అధిగమించాడు.
Also Read:
TeamIndia: గిల్ గాయం దాచడం ఆశ్చర్యంగా ఉంది: టీమిండియా మాజీ క్రికెటర్‌ సాబా కరిమ్‌
Wimbledon 2021: మూడో రౌండ్లోకి సానియా మీర్జా – రోహన్ బోపన్న జోడీ..!