Bajrang Punia: కాంస్యం గెలిచిన బజరంగ్.. ప్రపంచ రెజ్లింగ్ ఛాంపియన్‌షిప్‌లో 5వ పతకం.. తొలి భారతీయ ప్లేయర్‌గా రికార్డ్..
World Wrestling Championship: బెల్‌గ్రేడ్‌లో ఈ పోటీలు జరిగాయి. ఈ ఛాంపియన్‌షిప్‌లో భారత్‌కు ఇది రెండో పతకం. వినేష్ ఫోగట్ కాంస్యం అందించాడు.
World Wrestling Championship: ప్రపంచ రెజ్లింగ్ ఛాంపియన్‌షిప్‌లో వెటరన్ రెజ్లర్ బజరంగ్ పునియా కాంస్య పతకాన్ని కైవసం చేసుకున్నాడు. అతను ఈ మ్యాచ్‌లో రిపీచేజ్‌లో గెలిచాడు. ఇది బజరంగ్ ఖాతాలో చేరిన 5వ పతకంగా నిలిచింది. ఇంతకుముందు బజరంగ్ ఒక రజతం, మూడు కాంస్య పతకాలు సాధించాడు. ప్రపంచ ఛాంపియన్‌షిప్‌లో ఇన్ని పతకాలు సాధించిన తొలి భారతీయుడిగా బజరంగ్ నిలిచాడు. బెల్‌గ్రేడ్‌లో ఈ పోటీలు జరిగాయి. ఈ ఛాంపియన్‌షిప్‌లో భారత్‌కు ఇది రెండో పతకం. వినేష్ ఫోగట్ కాంస్యం అందించాడు. దీంతో ప్రపంచ ఛాంపియన్‌షిప్‌లో భారత్ రెండు పతకాలతో తన ప్రచారాన్ని ముగించింది.
కాంస్య పతక మ్యాచ్‌లో భజరంగ్ అద్భుతంగా పునరాగమనం చేశాడు. 28 ఏళ్ల భారత రెజ్లర్ 65 కిలోల బరువు పోటీల్లో అద్భుతంగా పునరాగమనం చేశాడు. అంతకుముందు, అతను ప్యూర్టో రికన్ ఆటగాడు సెబాస్టియన్ రివెరాతో 6–0తో వెనుకంజలో నిలిచాడు. ఆ తర్వాత బలమైన పునరాగమనం చేస్తూ 11-9తో విజయం సాధించాడు.
బజరంగ్ పునియా తన క్వార్టర్ ఫైనల్ మ్యాచ్‌లో అమెరికాకు చెందిన యియాని డియాకోమిహాలిస్ చేతిలో ఓడిపోయాడు. అతని ప్రత్యర్థి సాంకేతిక ఆధిపత్యం ఆధారంగా గెలిచాడు. బజరంగ్ రెపెచేజ్ ద్వారా కాంస్య పతకానికి చేరుకుని మ్యాచ్‌లో విజయం సాధించాడు.
రెప్‌చేస్ అంటే ప్రిలిమినరీ రౌండ్లో ఓడిన రెజ్లర్‌కు మరో అవకాశం ఇస్తుంది. అతను ప్రారంభ రౌండ్లో ఓడిపోయిన రెజ్లర్. అనంతరం ఫైనల్స్‌కు చేరుకున్నాడు. సింపుల్‌గా చెప్పాలంటే, ప్రిలిమినరీ రౌండ్లో ఓడిన ఫైనలిస్ట్ రెజ్లర్లు రెపెచేజ్ రౌండ్ నుంచి కాంస్యం గెలుచుకునే అవకాశం ఉందన్నమాట.
30 మంది రెజ్లర్లు కేవలం 2 పతకాలే..
ప్రస్తుత ప్రపంచ ఛాంపియన్‌షిప్‌ల కోసం భారతదేశం 30 మంది సభ్యుల జట్టును రంగంలోకి దింపింది. కానీ, కేవలం రెండు పతకాలను మాత్రమే గెలుచుకుంది. భారత్ ప్రదర్శన చాలా పేలవంగా ఉంది. ఆశించిన స్థాయిలో ఆటగాళ్లు, వారి ప్రదర్శన సగటు కంటే దారుణంగా ఉంది.