కోహ్లీసేనకు మరో షాక్.. విజయ్ శంకర్‌కు గాయం!

వరల్డ్‌కప్‌లో వరుస విజయాలతో ఊపు మీద ఉన్న టీమిండియాకు ఆటగాళ్ల గాయాలు కలవరపెడుతున్నాయి. ఇప్పటికే ఓపెనర్ శిఖర్ ధావన్ చేతి వేలి గాయంతో టోర్నీ నుంచి వైదొలగగా.. అటు బౌలర్ భువనేశ్వర్ కుమార్ కండరాల గాయంతో జట్టుకు దూరమయ్యాడు. ఇక ఇప్పుడు తాజాగా ఆల్‌రౌండర్ విజయ్ శంకర్ కూడా గాయం బారిన పడ్డాడు. ప్రాక్టీస్ చేస్తుండగా బౌలర్ జస్ప్రీత్ బుమ్రా వేసిన యార్కర్ వల్ల విజయ్ శంకర్ కాలికి తీవ్ర గాయమైందని తెలుస్తోంది. దీంతో శనివారం ఆఫ్ఘనిస్థాన్‌తో జరిగే మ్యాచ్‌కు విజయ్ శంకర్ అందుబాటులో ఉంటాడా లేదా అనే దానిపై ఇంకా స్పష్టత రాలేదు.