Video: మ్యాచ్ అంటే ఇదీ.. విజయానికి 4 పరుగులు.. నరాలు తెగే ఉత్కంఠ.. 5 వికెట్లు తీసిన బౌలర్.. వైరల్ వీడియో

Wncl Final Viral Video

WNCL Final: ఆస్ట్రేలియా జట్టు ప్రస్తుతం భారత్‌లో ఉంది. బోర్డర్ గవాస్కర్ టెస్ట్ సిరీస్‌ ఆడుతోంది. అయితే ఉత్కంఠకు కేరాఫ్ అడ్రస్‌గా ఓ మ్యాచ్ ఆస్ట్రేలియా దేశవాళీ టోర్నీ ఫైనల్‌లో జరిగింది. చివరి ఓవర్లో జరిగిన ఈ అద్భుతం చూస్తే.. ఫ్యాన్స్ మురిసిపోవాల్సిందే. మ్యాచ్ చివరి ఓవర్లో ఐదు వికెట్లు పడగొట్టి జట్టు విజయం సాధించింది. ఈ మ్యాచ్ ఎలా ఉందో ఇప్పుడు చూద్దాం..

ఆస్ట్రేలియా ఉమెన్స్ నేషనల్ క్రికెట్ లీగ్ (WNCL) ఫైనల్ మ్యాచ్ శనివారం టాస్మానియా మహిళలు, సౌత్ ఆస్ట్రేలియన్ స్కార్పియన్స్ మధ్య జరిగింది. ఈ మ్యాచ్‌లో వర్షం అడ్డుపడింది. ఇటువంటి పరిస్థితిలో ఈ మ్యాచ్ మధ్యలో ఆగిపోయింది. ఆ తర్వాత ఓవర్లను కుదించారు.

టాస్మానియా ఉమెన్స్ 264 పరుగులకు ఆలౌటైంది. మొదట బ్యాటింగ్ చేసిన అలిస్సా విల్లాని జట్టు 110 పరుగుల ఇన్నింగ్స్‌ను సాధించింది. ఆమెతో పాటు నవోమీ స్టెయిన్‌బర్గ్ కూడా 75 పరుగులు చేయడంతో జట్టు మొత్తం 264 పరుగులు చేసి ఆలౌట్ అయింది. ఇప్పుడు సౌత్ ఆస్ట్రేలియన్ స్కార్పియన్స్ వంతు వచ్చింది. ఇన్నింగ్స్ సమయంలో వర్షం కారణంగా లక్ష్యాన్ని తగ్గించారు.

47 ఓవర్ల మ్యాచ్‌లో 243 పరుగుల లక్ష్యంతో బరిలోకి దిగిన టీమిండియా కేవలం 242 పరుగులకే ఆలౌటైంది. ఈ జట్టు గెలుస్తుందని అనిపించినా.. ఇన్నింగ్స్ చివరి ఓవర్లో ఉత్కంఠ క్షణాల్లో ఐదు వికెట్లు పడ్డాయి.

సౌత్ ఆస్ట్రేలియన్ స్కార్పియన్స్ ఇన్నింగ్స్ 46 ఓవర్లు పూర్తయ్యే సరికి వారి స్కోరు 239/5గా నిలిచింది. చివరి ఓవర్లో విజయానికి 4 పరుగులు చేయాల్సి ఉండగా విజయం ఖాయం అనిపించినా.. ఆ జట్టు కేవలం 2 పరుగులకే ఐదు వికెట్లు కోల్పోయింది. టాస్మానియా కోసం సారా కోయిటే చివరి ఓవర్ బౌల్ చేసింది. ఆమె జట్టుకు హీరోగా మారింది. ఇటువంటి పరిస్థితిలో టాస్మానియా మహిళలు 1 పరుగు తేడాతో గెలిచి టైటిల్‌ను కూడా కైవసం చేసుకుంది.

మరిన్ని క్రీడా వార్తల కోసం ఇక్కడ క్లిక్ చేయండి..